POP 5

Lajmet më të lexuara të 5 minutave të fundit

Sport

Kupa e Shqipërisë/ Kukësi dhe Kastrioti eliminohen në 1/8, përcaktohen 4 përballjet çerekfinaliste

Kukësi dhe Kastrioti janë surprizat e fazës së 1/8 të Kupës së Shqipërisë pasi janë eliminuar nga kundërshtarë më të lehtë në letër. Ndërkohë në turin tjetër janë kualifikuar Partizani, Teuta, Laçi dhe Vllaznia, ndërsa janë përcaktuar edhe katër përballjet çerekfinaliste.

Janë mësuar sot 7 ekipet çerekfinalistë të Kupës së Shqipërisë pasi janë zhvilluar ndeshjet e kthimit të fazës së 1/8. Partizani pas fitores minimale 0-1 në Ballsh ka mposhtur sot 2-0 Bylisin falë golave të Rrapajt dhe Stenio Juniorit. Në çerekfinale të kuqtë do përballen me fituesin e çiftit Tirana-Dinamo, por ‘nëndetësja’ është më e avantazhuar pas fitores 2-0 në sfidën e parë.

Surpriza ka ndodhur në Kamzë ku Flamurtari ka prerë biletën për më tej në dëm të Kastriotit. Vlonjatët kanë fituar 2-4 sfidën e sotme, ndërsa ndeshja e parë është mbullur barazim 0-0. Në çerekfinale Flamurtari do përballet me Vllazninë, që sot ka shpërtalluar 6-1 Pogradecin dhe kaloi më tej me rezultatin e përgjithshëm 8-1.

Sakaq Kukësi i ka dhënë lamtumirën Kupës pasi është eliminuar nga Egnatia. Verilindorëve nuk iu ka mjaftuar fitorja 1-0 në sfidën e sotme, pasi ndeshja e parë në Rrogozhinë përfundoi 3-1 në favor të Egnatias. Në çerekfinale këta të fundit do përballen me Laçin, që sot barazoi 1-1 me Tomorrin, por kalon më tej me rezultatin e përgjithshëm 2-1.

Çifti tjetër çerekfinalist do jetë mes Teutës dhe Skënderbeut. Durrsakët kanë fituar edhe ndeshjen e dytë kundër Korabit, këtë herë me rezultatin 2-0, ndërsa korçarët kanë eliminuar Bylisin me penallti, pasi 180 minutat përfunduan me rezultatin e përgjithshëm 3-3.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

Dyshohet se përdhunuan një 31-vjeçar me aftësi të kufizuara, dy burrat e arrestuar dalin në Gjykatën e Elbasanit

Dyshohet se përdhunuan një 31-vjeçar me aftësi të kufizuara, dy burrat e arrestuar dalin në Gjykatën e Elbasanit

19 Prill, 10:02