'Kurrë nuk kemi vrarë pa arsye': Mbi cinizmin dhe fundin biologjik të Nexhmije Hoxhës

'Kurrë nuk kemi vrarë pa arsye': Mbi cinizmin dhe fundin biologjik të Nexhmije Hoxhës

Nëse krejt cinizmi i karrierës së Nexhmije Hoxhës mund të përmblidhet me një fjali, atëherë me këtë: «Kurrë nuk kemi vrarë pa arsye». Kështu i tha Nexhmije Hoxha revistës gjermane «Der Spiegel».

Jo më 1954, por më 2004. Edhe në Shqipërinë e demokratizuar formalisht, ajo pa iu dridhur syri mbronte të «arriturat» e komunizmit. Thoshte: «Të gjitha ekzekutimet janë kryer në kuadër të ligjeve në fuqi» ose «Stalini është sjellë përherë në mënyrë korrekte ndaj Shqipërisë».

Nexhmije Hoxha u dënua në vitet 90-të me burg për shpërdorim fondesh. Historia e saj të kujton Al Caponen, njërin prej gangsterëve më të mëdhenj amerikanë të viteve 1920-të dhe 1930-të. Edhe Al capone u dënua si mëkatar tatimesh. Me përjashtim të pak viteve burg, Nexhmije Hoxha jetoi e lirë deri në fund të jetës së saj gati njëshekullore. «Askush nuk më ngacmon. Më 1997 jam liruar pas disa vitesh në burg, kam pasaportë dhe që nga atëherë kam udhëtuar në Gjermani, Francë dhe Belgjikë».

Viktimat e regjimit, shtyllë e rëndësishme e të cilit ishte Nexhmije Hoxha, nuk patën kaq fat. Atyre u mbetën kufomat nëpër kampe internimi.

Për këto krime në Shqipëri nuk flet pothuaj askush, ndërsa argatët e regjimit të dikurshëm kanë ende pushtet dhe krenohen me të «arriturat» e dikurshme.

Një shoqëri që nuk ka raport kritik ndaj të kaluarës, një shoqëri që nuk i nxjerr para gjyqit fajtorët – ajo shoqëri e ka vështirë të ecën përpara.

Përgjegjësia për këtë dështim bie mbi të gjitha partitë politike që kanë sunduar Shqipërinë në gati tri dekadat e fundit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niko: 27/02/2020 00:09

    Pse t gjith mediatdhe politikanet flasin per Nexhmijen vetem tani qe ajo vdiq.... (S mori denimin e merituar) Me t vertet sistemi ndryshoi,por sistemi ndryshoi me njerzit qe vet diktatoret zgjodhen per mbrojtjen e tyre... Sali Ram Berisha esht nje kancer i ketij populli t vuajtur,ketij popull qe shitet e blihet me pak lek..

    Përgjigju
  • Realist: 26/02/2020 18:55

    Pra e gjith pergjegjesia bie mbi mbeturinat post komunisteeee. Te gjith ata qe paten pushtet ekzekutiv duhet te japin llogari per cfar arsyesh dhe rrethanash nuk hapen dosjet e spiuneve dosjet e vrasjeve ne komunizem dhe denimin e xhelateve. Pse nuk i hapi sali berisha dosjet e spiuneve dhe xhelateve te komunizmit? Pyeteni se e keni gjalle. Pyesni dhe ilir meten dhe fatos nanon se dhe ata gjalle i keni. Sa per edi ramen ky 6 vjet ka ne pushtet dhe duket se gjerave po u jep formen e duhur dhe dita qe keto pyetje do marrin nje pergjigje duket shume e afert.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dënuarit në Vlorë peticion deputetëve të Kuvendit: Miratoni amnistinë penale

Të dënuarit në Vlorë peticion deputetëve të Kuvendit: Miratoni amnistinë penale