KOSOVË- Njohja e pavarësisë së Kosovës është e vetmja alternativë për të zgjidhur konfliktin Serbinë. Kështu ka deklaruar kryeministri Albin Kurti gjatë një takimi në Prishtinë ku priti delegacionin e eurodeputetëve.
“Në dialog në Bruksel jemi për një kapitull të ri të normalizimit të marrëdhënieve mes dy shteteve tona, ku zgjidhim çështjet e pazgjidhura me njohje reciproke", ka thënë Kurti.
Në takim ishte edhe e pranishme me përfaqësuesja për Kosovën në Parlamentin Evropian, Viola von Cramon. Gjatë një deklarate për mediat, Kurti është shprehur se kanë diskutuar mbi njohjen e pavarësisë së Kosovës nga pesë vendet e Bashkimit Evropian, mbi procesin e liberalizimit të vizave. Sipas Kurtit, fokusi është vënë edhe tek mbështetja që BE ka ofruar për Kosovën për të përballuar pandeminë COVID.
Ndërkohë është diskutuar edhe mbi operacionin e policisë kundër kontrabandimit të mallrave në veri të Kosovës.
"Ky ishte një operacion normal i Policisë, e cila ka kryer punën në mënyrë profesionale dhe sipas procedurave ligjore", tha Kurti.
Von Cramon ka falënderuar qeverinë e Kosovës për strehimin e afganëve, si dhe ka folur edhe për reformat e nisura në drejtësi dhe luftën kundër krimit të organizuar dhe korrupsionit.
Në Kosovë janë rreth 700 afganë të strehuar, të cilët janë evakuuar nga Shtetet e Bashkuara, pas marrjes së kontrollit të talebanëve në Afganistan. Rreth 100 prej tyre tashmë janë larguar nga Kosova drejt Mbretërisë së Bashkuar. Afganët e tjerë do të qëndrojnë përkohësisht në Kosovë dhe pritet të zhvendosen në SHBA, apo vende tjera evropiane.
Lajme të tjera
-
U ndalua në Serbi, lirohet zëvendësdrejtori i Policisë së Kosovës
18 Prill, 22:20 -
Shpalosi flamurin shqiptar me rastin e festave të Nëntorit, Serbia dënon me gjobë kreun e Komunës së Preshevës
18 Prill, 22:07 -
Ekspertët: Qytetarët dhe policët e Kosovës nuk u ndaluan në kufirin serb, por u rrëmbyen! Veprimi hakmarrës ndesh me marrëveshjet! Beogradi bëri autogol
18 Prill, 18:58 -
DASH: Ndalimet arbitrare të qytetarëve dhe policëve të Kosovës, veprime përshkallëzuese
18 Prill, 18:12 -
Bruksel, dështim i ri në bisedimet për dinarin serb! Prishtina e Beogradi fajësojnë njëra tjetrën
18 Prill, 17:28 -
Kurti: Lirohen katër efektivët e ndaluar, zv.drejtori i policisë së Kosovës mbahet ende në Serbi
18 Prill, 11:45 -
Osmani: Pesë policë të Kosovës po mbahen peng nga Serbia
18 Prill, 10:54 -
Kosova akuzon Serbinë se ka ndaluar 10 nga pjesëtarët e policisë së saj
18 Prill, 07:15 -
SHBA trajnon policitë kufitare të Shqipërisë dhe Kosovës
17 Prill, 18:49 -
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
Oda Amerikane: Bllokimi i qytetarëve të Kosovës nga Serbia pengon stabilitetin rajonal
17 Prill, 18:06 -
Një ditë më parë djali vrau nusen, ndërron jetë nëna e autorit në Pejë
17 Prill, 14:51
