Kuvendi nuk i jep SPAK krimet zgjedhore, shtyhen votimet! Ministria e Drejtësisë kundër që Prokurori të raportojë në KQZ

TIRANË- Komisioni i Ligjeve shtyu miratimin e ndryshimeve në ligjin “Për organizimin dhe funksionimin e Prokurorisë”, që detyron prokurorin e Përgjithshëm dhe drejtuesin e SPAK t’i japin informacion KQZ për hetimin e krimeve zgjedhore, një nga dakordësitë e marrëveshjes së 5 qershorit.

“Ne do ta zhvillojmë diskutimin për nismën e depozituar, por deri në një dakordësi lidhur me ecurinë e këtij propozimi ne do ta shtyjmë votimin në parim të këtij projektligji”, u shpreh kryetari i Komisionit të Ligjeve, Ulsi Manja.

Ndonëse deputeti i PS, Adnor Shameti kërkoi miratimin e këtyre ndryshimeve, Ministria e Drejtësisë nuk ishte dakord me argumentin se këto ndryshime bien ndesh me frymën e Reformës në Drejtësi.

“Vlerësoj rëndësinë e miratimit të këtij projektligji dhe u kërkoj kolegëve që në frymën e miratimit të ligjeve themelore të paketës themelore të kalojnë dhe këto ndryshime”, u shpreh deputeti socialist.

“Propozimi është i panevojshëm dhe bie ndesh me frymën e Reformës në Drejtësi.  I jep atribute drejtuesit të Prokurorisë, që i ka vetëm prokurori i çështjes. Drejtuesi i prokurorisë nuk përgjigjet dot për çështje”, tha Besim Beja, Drejtor i Përgjithshëm i Kodifikimit.

Kuvendi nuk ka miratuar ende ndryshimet që mundësojnë që SPAK të hetojë krimet zgjedhore, ndonëse jemi 5 muaj para zgjedhjeve. Deri më tani janë miratuar vetëm ndryshimet në ligjin për partitë politike që rregullon çështjet e financimit.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

SPAK sekuestron pasuritë e dy ortakëve të Evis Berberit

SPAK sekuestron pasuritë e dy ortakëve të Evis Berberit