Kryeministri Johnson dhe Ministri i shëndetësisë Hancock pozitiv me koronavirus: Johnson: Do të punoj nga shtëpia! Së bashku do ta mundim virusin (VIDEO)

Kryeministri i Britanisë së Madhe, Boris Johnson dhe ministri anglez i Shëndetësisë, Matt Hancock kanë rezultuar pozitiv me koronavirus. 

Në një video të postuar në Twitter, kryeministri konfirmoi se kishte simptoma të lehta, temperaturë dhe kollë të vazhdueshme gjatë 24 orëve të fundit dhe me këshillin e mjekut, atij iu mor tamponi, ku pas përgjigjes së testit, rezultoi povitiv me COVID-19.

Johnson tha se është i vetëkarantinuar dhe se do të vazhdojë punën nga shtëpia e tij.

"Gjatë 24 orëve të fundit kam pasur simptoma të  lehta dhe rezultova pozitiv me koronavirus. Tani jam i izoluar, por do të vazhdoj të punoj përmes video-konferencave, ndërsa luftojmë kundër këtij virusi. Së bashku do ta mundim", u shpreh kryeministri britanik.

Johnson, 55-vjeçar tha se falë teknologjisë moderne ai do të vazhdojë të udhëheqëluftën kombëtare kundër virusit. Ai përsëriti se qëndrimi në shtëpi ishte thelbësor për të ndaluar përhapjen e virusit. 

Lajmi kryesor:

Koronavirus/ Italia shënon pikun e viktimave, 969 të vdekur në 24 orë! Johnson pozitiv! SHBA e para në botë për të infektuarit

G.M.//Shqiptarja.com

TAG:
• Boris Johnson
• Koronavirus