Lajmet pozitive nga fronti i shëndetësisë, në Itali dalin datat për rifillimin e mundshëm të Seria A

Pas shumë e shumë diskutimeve nëse kampionati do të ndërpritet përfundimisht apo jo, tani në Itali po diskutohet për datën e mundshme të rifillimit të kampionatit, të ndërprerë për shkak të koronavirusit. Nisur edhe nga situata optimiste e ditëve të fundit nga fronti i Shëndetësisë mediat italianë shkruajnë se kampionati italian mund të rinisë me 20 maj, në një kohë kur stërvitja e klubeve do të nisë në fillimin e po këtij muaji.

Në ditët e fundit ka patur shpresë duke parë uljen e numrit të personave që ndërrojnë jetë për shkak të COVID-19 dhe si rrjedhojë Liga e Seria A po mban kontakte të vazhdueshme me klubet për të caktuar një datë fikse për rinisjen e kampionatit.

Ideja është që më 20 maj të rinisë Seria A, një nga kampionatet më të bukur në botë, me rikuperimin e disa ndeshjeve të mbetura nga java e 25, duke përfshirë edhe Inter-Sampdoria. Më tej javët do të luhen çdo tre ditë dhe sipas llogarive i bie që kampionati italian të ulë siparin më 2 gusht.

Kjo shkon në sinkron edhe me urdhërat e fundit të UEFA-s që primarë ka vendosur përfundimin e kampionateve respektive në Europë. Në këtë mënyrë dy kompeticionet e UEFA-s, Champions League dhe Europa League, do të luhen pas kësaj date, por do të përfundojnë brenda verës, në mënyrë që edhe këtu të mos mbetet fituesi pa u shpallur.

Ne.k./Shqiptarja.com

TAG:
• Seria A
• Koronavirus