Mazhoranca shpreson se Holanda do ndryshojë qëndrim, Margariti: Pas letrës, të gatshme për hap tjetër

TIRANË- Mazhoranca ka ende shpresë se Holanda do të ndryshojë qëndrim ndaj Shqipërisë për hapjen e negociatave. Pas qëndrimit në mbledhjen e komisionit për çështjet europiane në parlamentin e Holandës, se hapja e negociatave për Shqipërinë është e parakohshme, deputeti i Partisë Socialiste Ervin Bushati thotë se ky vendim është marrë për arsye të brendshme, por që nuk beson se është vendimi përfundimtar.

“Ka dy vende ose 1 që është skeptik për arsye të brendshme politike për sa kohë komisioni europian e ka dhënë rekomandimin dhe 25 nga 27 janë dakord, patjetër që është çështje politike e tyre. Nuk besoj se ky është vendimi përfundimtar i qeverisë holandeze, dhe shpresoj shumë se dhe qeveria franceze të ketë pikëpamje pozitive për hapjen e negociatave”, tha Bushati.

Gratë ministre të cilat i dërguan letër parlamentit holandez për t'i kërkuar të mos bllokojnë procesin e integrimit, duket se janë të vendosura të mos ndalen me kaq. Ministrja e Kulturës Elva Margariti, e cila është  një nga 8 ministret që ka firmosur letrën, thotë se mund të ndërmerren edhe hapa të tjerë të cilët do gjykohen si të vlefshëm për këtë proces.

“Ne gratë kemi fuqinë të qëndrojmë bashkë dhe të tregojmë modelin e ri të  Shqipërisë energjike që beson te forca e gruas kështu që do hap që gjykojmë sit ë vlefshëm do ta ndërmarrim”, tha Margariti për Report Tv.

Ndërkohë, ish-ministri i Jashtëm i Shqipërisë, Ditmir Bushati i pyetur për vendimin e Holandës dha këtë koment: “Si je mirë”?

B.K./Shqiptarja.com

TAG:
• Ervin Bushati
• Holande
• elva margariti