Lideri opozitar rus nominohet për Çmimin Nobel për Paqen nga grup shkencëtarësh amerikan

Lideri opozitar rus Alexei Navalny, është propozuar si kandidat për Çmimin Nobel për Paqen, nga profesorët  e Universitetit Rutgers të Nju Xhersit, njoftoi një nga profesorët  Sergei Erofeev në Facebook.

“Duke luftuar për të drejtat e njeriut në vendin tonë, për të drejtat politike dhe ekonomike, për të drejtën e votës dhe për drejtësinë, Navalny po jep një kontribut në luftën globale për këto ideale që po përballen me kohë të vështira,” - shpjegoi Yerofeyev për televizionin e pavarur rus Dozh

Sipas Erofeev, profesorët mund të mbështeten nga zyrtarë qeveritarë ose përfaqësues të organizatave ndërkombëtare.   

Më 20 gusht, politikani rus u shtrua urgjentisht në spital gjatë kthimit të tij në Moskë nga Tomski.

Ai u ndje keq gjatë fluturimit dhe avioni u ul urgjentisht në Omsk.

Më vonë, një laborator i veçantë i Bundeswehr kreu një provë toksikologjike dhe arriti në përfundimin se politikani rus ishte helmuar me një substancë të agjentit neuro-paralitik nga grupi Novichok.

I.C./Shqiptarja.com
  • Sondazhi i ditës:

    Universitetet mësim online dhe mbyllen konviktet, ju duket i drejtë vendimi i Komitetit të ekspertëve?

Komento


×

Lajmi i fundit

John

Parku i liqenit, oazi ku qytetarët ‘çlirohen’ nga maska, të moshuarit: Vetëm këtë mos na e mbyllni (VIDEO)