Liga Profesioniste i dërgon materialin Fidel Yllit: Paraqitëm idetë dhe rrugëzgjidhjet për futbollin

Bojkoti i kampionatit të futbollit në vend do të vijojë edhe këtë javë. Por Liga Profesioniste e Futbollit bën me dije se i ka dërguar një material të zgjeruar deputetit Fidel Ylli që është edhe negociatori mes qeverisë dhe Ligës për kërkesat konkrete që kanë klubet e futbollit. 

Pas takimit të fundit që është mbajtur të hënën mes Ligës dhe deputetit socialist Fidel Ylli ky i fundit u kërkoi edhe njëhere që kërkesat e tyre të detajuara t’ia përcillnin atij.

Liga dëshiron të sqarojë se materiali me kërkesat e klubeve është përgatitur nga ekspertë dhe fokusohet tek ligji i sponsorizimeve si një akt ligjor i domosdoshëm për zhvillimin e sportit në Shqipëri.

Po ashtu thuhet se propozimet e paraqitura nga Liga për qeverinë në këtë dokument përcaktojnë qartë idetë dhe rrugëzgjidhjen për një sport më cilësor të paktën në fushën e administrim dhe formalizimit. Tashmë topi kalon në fushën e qeverisë e cila do të shqyrtojë materialin.

Edhe nga sa ka deklaruar ministrja e Financave Denaj shihet shumë e vështirë që të plotësohen të katërta kërkesat por e rëndësishme është që të gjendet një zgjidhje dhe kampionati të fillojë kërkesë kjo edhe e futbollistëve.

Përgatiti Andi Kapxhiu

er.k./Shqiptarja.com
  • Sondazhi i ditës:

    Përvjetori i pavarësisë dhe çlirimit, a është bërë Shqipëria ajo që ëndërruan heronjtë tanë?

Komento


×

Lajmi i fundit

John

Koncerti online për Natën e Bardhë në Tiranë/ Të gjithëve na mbetën sytë te bluzet e West Side Family