Ligji i ri, 30% e buxhetit të mbetur të bashkive për borxhet, detyrohen t’i shlyejnë! PD: Dembelos kryebashkiakët! Brahimi: Disiplinim financiar

Komisioni ligjeve miratoi ndryshimet ligjore që detyrojnë bashkitë që 30% të fondit të mbetur në fund të vitit nga buxheti faktik ta kalojë për pagimin e borxheve të prapambetura. Opozita u shpreh se ligji dembelos kryebashkiakët.

Të paktën 30% e fondeve të pashpenzuara nga Bashkitë nga buxheti faktik vjetor do të kalojnë për shlyerjen dhe uljen e detyrimeve të prapambetura. Komisioni i Ligjeve miratoi ndryshimet e propozuara nga qeveria për të rritur disiplinën financiare të bashkive.

Deputetët e opozitës u shprehën kundër dhe kërkuan që me këtë çështje të merrej tryeza e reformës administrative territoriale. Sipas tyre ligji dembelos kryebashkiakët.

“Ky ligj nuk vlen, I bënë bashkitë dembele. Duhet ti diskutojmë këto ndryshime në tryezën e reformës territoriale”, tha Dhurata Çupi.

“Ligji nuk i thotë bashkive mos paguani dhe prisni fondin që mbetet. S’është ky synimi. Por nëse fondi mbetet keni për detyrë që këtë pjesë ta kaloni për borxhin e prapambetur”, u shpreh Fran Brahimi, Drejtues i Financave Vendore në Ministrinë e Financave

Një tjetër pikë e debatuar ishte dhe niveli i borxhit, ku përkundër akuzave të opozitës, borxhi në nivel lokal ka rënë.

“Sa është niveli i borxheve të bashkive, ju me të madhe në 2015 sollët si argument që do paguhen borxhet e bashkive. Asokohe ishte 22 mld lekë, tani 8 mld lekë janë borxhet në dijeninë time… 7 Bashki na është thënë në faliment, çfarë është bërë me këto masa”, u shpreh Dhurata Çupi.

“Janë 5.2 mld sot për detyrimet e prapambetura… Ishin 31 mld në fillim të reformës. E kemi konsultuar me bashkitë”, tha Fran Brahimi.

Mazhoranca propozoi që fondi për borxhet e prapambetura të jetë 50% dhe jo 30%, por eksperti i Ministrisë e Financave tha se 30% është vendosur pasi nuk vendos në vështirësi bashkitë.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ilir Meta kallëzim në Prokurorinë e Tiranës: Persona të paidentifikuar kanë vjedhur hard disc në zyrën e Partisë së Lirisë

Ilir Meta kallëzim në Prokurorinë e Tiranës: Persona të paidentifikuar kanë vjedhur hard disc në zyrën e Partisë së Lirisë