Ligji i ri/ Hapet rruga për heqjen e dekoratave dhe titujve të nderit personave që s'e meritojnë, 'shpëtojnë' restorantet e mishit të nderuar nga Meta

Ligji i ri/ Hapet rruga për heqjen e dekoratave dhe titujve të nderit personave që s'e meritojnë, 'shpëtojnë' restorantet e mishit të nderuar nga Meta

Ilir Meta në kohën kur ishte president

Në Kuvend është depozituar nga qeveria një projektligj për titujt e nderit dhe titujt vendorë të nderit në Shqipëri. Përpos rregullimeve të tjera, nisma ligjore parashikon për herë të parë edhe mundësinë e heqjes së dekoratave dhe të titujve të nderit për personat që mund të mos e meritojnë.

“Ligji nr.112/2013 ka qenë jo i plotë në drejtim të rregullimit të rasteve kur u hiqet titulli i nderit subjekteve që e kanë marrë atë sipas ligjit. Në projektligjin e ri janë përcaktuar këto raste në mënyrë shteruese, të cilat përmbajnë rrethana të atilla që e bëjnë të pamundur objektivisht mbajtjen e titullit të nderit”, thuhet në relacion.

Konkretisht, kur një person dënohet me vendim të formës së prerë për një nga veprat e parashikuara në Kodin Penal, nuk do të mund të mbajë titullin e nderit. Në këtë rast, vendimi mund të merret nga gjykata si dënim plotësues ose nga vetë institucioni përgjegjës për dhënien e titullit ose titullit vendor të nderit. Titullin e nderit do ta humbasin edhe personat, të cilët shpallen të padëshirueshëm sipas ligjit që rregullon qëndrimin e të huajve në Shqipëri.

Gjithsesi, titujt e nderit dhe medaljet do t’i humbasin restorantet e mishit të derrit dhe të peshkut, që janë nderuar nga ish Presidenti Ilir Meta, kur shkonte për të konsumuar dreka dhe darka, duke i nderuar më pas me titullin “Mjeshtër i Madh”. Meqenëse këto restorante nuk kanë se si të dënohen dhe të shpallen non grata, do të vijojnë t’i mbajnë titujt që u ka dhënë Ilir Meta. Ky i fundit e ktheu Presidencën, jo vetëm në një fabrikë të dhënies së shtetësive, por edhe në një fabrikë dekoratash. Meta ka dhënë një dekoratë çdo dy ditë.

Ndërkaq, ligji i vitit 2013, aktualisht në fuqi, është evaziv sa i takon kushteve dhe kritereve që duhet të plotësojë një person për t’u nderuar, duke përmendur vetëm termat “personalitete shqiptare” apo {personalitete të huaja”. Nisma e re parashikon që mund të nderohet me titull nderi shtetasit shqiptarë ose të huaj, që janë dalluar në kryerjen e veprimtarive të fushave të ndryshme, brenda ose jashtë vendit, për mbrojtjen dhe promovimin e interesave të shtetit, kombit shqiptar apo komunitetit të njësive të vetëqeverisjes vendore.

(Kliko këtu për të lexuar dokumentin e plotë)

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mali me gropa roskovec: 03/12/2022 13:26

    te gjithe te pamiretuareve tu hiqen medaljet sportisteve partiake , kengetare tallavashe ,e dyqane kadaifi te holluara nga mona e sulltan nevruzit

    Përgjigju
  • Iris: 03/12/2022 02:34

    Mendoj qe nuk mund te hiqet titulli e dekorata nje personi thjesht pse eshte denuar prerazi nga Kodi Penal.Kodi penal te denon me forme te prere edhe po bere tradheti e vrasje,por edhe po vodhe ne dyqan,apo shkele rregullat e trafikut.Duhen bere disa diferencime,sepse njerez perfekt nuk ka. Heqja e titujve e dekoratave duhet bere vetem per raste te renda e shume te renda.Gjithashtu,per restorantet mund te krijohet nje vleresim i vecante i ngjashem me /Michelin star/.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

FOTO/ Kanabis me postë nga SHBA, kush janë dy të rinjtë e arrestuar

FOTO/ Kanabis me postë nga SHBA, kush janë dy të rinjtë e arrestuar