Lleshaj në 'Kontrast': Berisha duhet t’i jetë mirënjohës Bashës që nuk vendosi snajpera mbi PD, siç e mësoi ai vetë në 21 Janar

Ish-ministri i Brendshëm, Sandër Lleshaj ka komentuar së fundmi përplasjet në selinë e Partisë Demokratike ne 8 Janar. Për emisionin ‘Kontrast’ në Report TV, Lleshaj u shpreh se Policia u soll në një mënyrë profesionale teksa pati një apel edhe për palët e përfshira në skenarin e dhunës.

Ish-ministri deklaroi se Lulzim Basha duhet të jetë mirënjohës ndaj Policisë që nuk qëndroi duarlidhur, ashtu siç Basha e kërkonte të sillej policia në protestat e tij. Nga ana tjetër, ish-ministri shtoi se Berisha duhet t’ia dijë për nder Bashës që nuk zbatoi leksionet që ai vetë i ka dhënë në 21 Janar 2011.

“E kam ndjekur me trishtim të madh, ndoshta me lluksin duke e ndjekur nga televizori pa pasur një pozitë. Aty nuk ka rëndësi sesi u soll policia, por sesi u sollën shqiptarët që ishin aty. U sollën tmerrësisht keq, përmbarime të gjyqeve të bëra individualisht. Ky zell i madh për të goditur dhe për t’i prishur godinat është i trishtë. Pra ishte një skenë e keqe, një skenë që duhet shuar. Dy mijë vite histori duhet të na mësojnë se dhuna nuk është instrumenti për të zgjidhur problemet. Dhe kur kjo dhunë inspirohet nga ish-kryeministra apo ish-presidentë për të bërë luftë për interes privat, aq më keq.

Fikëset e zjarrit janë detyrim të jenë brenda godinës. Përdorimi pastaj është tjetër gjë dhe unë pashë se u përdorën për vetëmbrojtje. Lulzim Basha duhet të jetë falënderues nga Policisë së shtetit. Të njëjtës polici që ai e ka sulmuar shumë herë më rëndë sesa në 8 janar. I dyti duhet të jetë mirënjohës Sali Berisha për Lulzim Bashën. Sepse Basha për fat të mirë nuk aplikoi leksionet e Berishës për të vendosur snajpera në tarracë. Ju e mbani mend që thoshte do të vendos katër snajpera dhe i pesti do të jem unë. Berisha t’i jetë mirënjohës Bashës që nuk e bëri këtë” – tha Sandër Lleshaj për Report Tv.

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tefiku: 18/01/2022 06:15

    Foli ky hajduti i uniformave

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un