Spiropali: Pas Alvinit po përgatitet shpëtimi i 150 shqiptarëve të izoluar në kampin famëkeq në Siri

Pyetjes së gazetarit Denis Minga se pse kryeministri Edi Rama dërgoi atë si përfaqësuese në Kuvend për të drejtuar intepelancën me deputetët e opozitës lidhur me rastin e Alvin Berishës, zëdhënësja e qeverisë është përgjigjur se lidhur me këtë duhet pyetur vetë kryeministri. Gazetari i ka përmendur ministres një batutë të deputetit Kujtim Gjuzi i cili tha se Rama e sheh si kryeministre të ardhshme.

"Gjuzi shquhet për deklaratat e tij ekzotike. Pse u caktova unë duhet pyetur kur Unë jam ministre për Marrëdhënie me Parlamentin dhe më takon mua ta bëj këtë detyrë kur kryeministri nuk mundet", u përgjigj Spiropali.

Struktura e Posaçme që do të hetojë gjyqtarët dhe prokurorët e lidhur me krimi ose siç i ka quajtur kryeministri Edi Rama 'KÇK' do të jetë gati brenda këtij viti. Kjo ka qenë deklarata e ministres së Marrëdhënieve me Parlamentin Elisa Spiropali. Ajo tha se kjo strukturë nuk do ketë lidhje me vettingun dhe do funksionojë veçmas prej saj.

"Nuk ka lidhje me vettingun. Ky është specifikisht për të adresuar çështjen e krimit. Ligji do të jetë gati shumë shpejt, ndoshta shumë shpejt", u shpreh Spiropali.

Ministrja e Marrëdhënieve me Parlamentin  Elisa Spiropali komentoi vendimin e Komisionit të Reformës Zgjedhore për depolitizimin e komisionerëve. Ajo tha se është e hapur ftesa për opozitën për t'u bërë pjesë e ndryshimeve, ndërsa u shpreh e prerë se ato do të miratohen edhe pa pjesëmarrjen e saj. Spiropali tha se nuk ka asnjë urë komunikimi mes Komisionit për Reformën Zgjedhore të mazhorancës dhe opozitës parlamentare dhe tryezës paralele të ngritur nga opozita e jashtë parlamentare.

"Ne presim të vijnë në atë tryezë. Për pjesën e depolitizimit është më në fund ajo që i duhet Shqipërisë. Patjetër kërkohet edhe nga partnerët tanë. Mos t'i vendosin partitë përfaqësuesit në zgjedhje. Jo propozime nga partitë politike. Shoqëria është e madhe, ka plot përfaqësues politikë. Ne si klasë politike jemi mbajtur pas administrimit politik të zgjedhjeve. Për financimin e partive, transparencën, barazinë gjinore. Opozita duhet të marrë një vendim nëse do jetë pjesë e këtij ndryshimi. Opozita zgjodhi të dorëzojë përfaqësimin, të djegë mandatet. Ne duhet të diskutojmë. Ne kërkojmë komunikim intensive dhe patjetër kërkojmë konsesus.", u shpreh Spiropali.