Lleshaj vizitë në Liban, u kërkon ndihmë për riatdhesimin e fëmijëve shqiptarë në Siri (VIDEO)

Ministri i Brendshëm Sandër Lleshaj po zhvillon një vizitë zyrtare në Liban, ku është takuar me homologun e tij Mohammad Fahmi dhe gjeneralin Abas Ibrahim i cili mban postin e Drejtorit të Përgjithshëm për çështjet e sigurisë.

Referuar mediave libaneze Lleshaj ka kërkuar ndihmë nga Libani për shpëtimin e fëmijëve shqiptarë në kampet e “tmerrit” në Siri.

Një prej kampeve është i ‘Al Hol’ ku prej vitesh të bllokuar janë shumë fëmijë dhe gra shqiptare historitë e të cilëve janë të njohura dhe për opinionin publik. Strategjia që kërkon të përdor qeveria shqiptare i ngjason operacioinit të ndërmarrë në nëntor të 2019 ku u bë i mundur nxjerrja nga kampi dhe kthimi në atdhe i Alvin Berishës.

Në vizitat që po zhvillon në Liban ministri i punëve të Brendshme është i shoqëruar edhe nga drejtori Drejtorisë së Antiterrorit në Policinë e Shtetit Gledis Nano. Burime për Report Tv bëjnë me dije se Ministri i Brendshëm ka zhvilluar takime me disa zyrtarë të lartë të shtetit dhe aktualisht ndodhet në Liban.

Vetëm disa ditë më parë, Report Tv trajtoi rastin e Eva dhe Endrit Durmanit, 2 fëmijë shqiptarë të cilët kanë mbetur në kampin "Al-Hol" prej 6 vitesh.

Mamaja dhe daja i fëmijëve u janë drejtuar autoriteteve shqiptare dhe kryeministrit Rama me një letër të hapur ku kërkojnë ndihmë për riatdhesimin e tyre. Aktualisht në kampin në Siri ndodhen dhe 70 persona, 51 fëmijë dhe 19 të rritur shqiptarë.

Gjithashtu Shqiptarja.com disponon ekskluzivisht emrat e shqiptarëve që ndodhen brenda kampit ferr, disa prej të cilëve të lindur atje.

D.P./Shqiptarja.com
  • Sondazhi i ditës:

    Skandali me nënshtetësitë pa asnjë verifikim, a duhet të ngrihet një komision hetimor për presidentin llir Meta?

Komento


×

Lajmi i fundit

John

Sot 'shpëtoi' nga kampi i ferrit Al-Hol, kush është nëna e 3 fëmijëve Floresha Rasha! Në 2014 burri iu vra me snajper në Siri