Logjika e Bashës në 2019 e bën humbës në zgjedhjet brenda PD-së, shumica ka qene kundër tij

Zyrtarisht nga selia blu u njoftua se Lulzim Basha është rizgjedhur në krye të Partisë demokratike. Por në total kreu i PD-së ka fituar 32.882 vota nga 75 mijë anëtare të Partisë Demokratikë të cilën ishin ftuar për të votuar ditën e sotme, duke dëshmuar në këtë mënyrë se afro 35 mijë anëtarë janë kundër tij.

Kjo lidhur edhe me logjikën, që ka ndjekur kreu i PD-së Lulzim Basha në zgjedhjet lokale të vitit 2019, ku morën pjesë 21.6% e qytetarëve. Basha tha se 80% e shqiptarëve, pra pjesa që nuk mori pjesë në votime, janë vota në mbështetje të opozitës, pasi kjo e fundit kishte bërë thirrje për bojkot të procesit zgjedhor.

Pra me këtë logjikë dhe më shifrat e publikuara sot nga PD, rezulton që Lulzim Basha, ka fituar një mandat të tretë në krye të PD-së me vetëm 42% të mbështetjes së demokratëve dhe 58% e tyre janë kundër tij.

Lajmi kryesor:

Zgjedhjet në PD/ Del rezultati paraprak, me 81% të votave edhe Lulzim Basha fiton mandatin e tretë! Kundërshtarët: Maskaradë elektorale

M.Q./Shqiptarja.com

TAG:
• lulzim basha
• zgjedhjet ne pd