POP 5

Lajmet më të lexuara të 5 minutave të fundit

Sport

Londra e Conte-s, Tottenham kthehet të luftojë për Champions-in! Reali 'masakron' Levante-n, Vinicius realizon 'tripletë'

Fitorja e pastër në derbin e Londrës kundër Arsenal ka rikthyer Tottenhamin e Contes në garë për champions Leagye dy javë para përfundimit të Premier League. Ndërkohë në La Liga Reali ka masakruar Levante-n 6-0 falë Vinicius Junior, i cili realizoi ‘tripletë’.

Tottenham-i i Antonio Conte-s është rikthyer bindshëm në luftën për të siguruar një vend në Champions League dy javë para mbylljes së kampionatit. ‘Spursat’ kanë fituar me rezultatin e pastër 3-0 derbin kundër Arsenal, duke shkuar vetëm 1 pikë larg ‘topçinjve’ që mbajnë vendin e katërt në renditjen e Premier League.

Harry Kane zhbllokoi i pari me penallti para se Holding të lehtësonte punën e Tottenham, duke lënë Arsenalin me një lojtar më pak në fushë. Më tej deri në fundin e pjesës së parë sërish Kane dyfishoi shifrat para se në pjesën e dytë Soon të vuloste rezultatin përfundimtar. Për koreanojugorin ky ishte goli i 21 këtë sezon teksa asnjë prej tyre nuk është realizuar me penallti. Megjithatë ai është në luftë për trofeun e golashënuesit me Salah, i cili ka gjetur 22 herë rrugën e rrjetës.

Ndërkohë në La Liga Reali është rikthyer të fitojë dhe këtë e ka bërë duke ‘masakruar’ 6-0 Levante-n. ‘Galaktikët’, që prej dy javësh kanë siguruar titullin kampion, nisën serinë e golave që në minutën e 13 me Mendy-n, ndërsa derisa skuadrat të shkonin në pushim realizuan edhe Benzema me Rodrygo-n.

Pjesa e dytë ishte totalisht e ‘yllit’ Vinicius Junior, i cili kompletoi ‘tripletën’ personale. 21-vjeçari mrekulloi ‘Bernabeun’, ndërsa kapi shifrën e 17 golave në La Liga këtë sezon.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Ekspertët amerikanë trajnojnë 32 oficerë të policisë gjyqësore

Ekspertët amerikanë trajnojnë 32 oficerë të policisë gjyqësore

24 Prill, 11:03