Macron: Partitë janë kundër një qeverie të unitetit kombëtar

Macron: Partitë janë kundër një qeverie të unitetit kombëtar

Emmanuel Macron

Presidenti Emmanuel Macron ka përjashtuar mundësinë e krijimit të një qeverie të unitetit kombëtar për momentin. Kreu i Elizesë arriti në këtë përfundim pas konsultimeve me liderët e partive franceze.

Duke iu drejtuar francezëve për herë të parë që nga zgjedhjet e së dielës, kur partia e tij humbi një shumicë parlamentare, Macron pranoi se kishte pasur ndarje të shtuara pas zgjedhjeve dhe i bëri thirrje klasës politike të mësojë të qeverisë dhe të miratojë ligje ndryshe.

Partia e presidentit francez nuk ka fituar një shumicë absolute në Asamblenë Kombëtare dhe duhet të krijojë koalicion. Sipas rezultateve përfundimtare të zgjedhjeve, centristët e Macron fituan shumicën e ulëseve, 245 nga gjithsej 577, por një shumicë absolute kërkon të paktën 289.

Në vend të dytë është koalicioni i majtë, Unioni i Popullit i Ri Ekologjik dhe Social (Nupes) me 131 ulëse, kryetarja e djathtë e Asamblesë Kombëtare Marine Le Pen fitoi 89, ndërsa republikanët e djathtë 61.

“Dëgjoj dhe jam gati të marr përsipër dëshirën për ndryshim që vendi e ka shprehur qartë”, tha gjithashtu Macron, duke kujtuar se për dy ditë kishte biseduar me liderët e të gjitha grupeve politike dhe se të gjithë shprehën respekt për institucionet franceze dhe dëshirën për të shmangur bllokadën e vendit./REL

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dënuarit në Vlorë peticion deputetëve të Kuvendit: Miratoni amnistinë penale

Të dënuarit në Vlorë peticion deputetëve të Kuvendit: Miratoni amnistinë penale