Makarona furre me fileto pule dhe kërpudha nga Zonja Vjollca

Makarona furre me fileto pule dhe kërpudha

Përbërësit:

500 gr makarona

2 lugë gjelle vaj

1 qepë e vogël

350 gr fileto pule

300 gr kërpudha

Kripë dhe piper i zi

Majdanoz

250 gr mozzarella

Beshameli:

50 gr gjalp

50 gr miell

500 ml qumësht

Kripë dhe arrëmoskat

2 lugë gjelle parmixhan i grirë

Përgatitja:

Fillimisht vendosim një tenxhere me ujë të bollshëm për të valuar. Shtojmë në të pak kripë, 1 lugë gjelle vaj dhe makaronat. I ziejmë ato 3 minuta më pak se koha e shkruar në etiketë.

Ndërkohë në një tigan salce përgatisim beshamelin.

Kaurdisim së bashku 50 gr gjalp dhe 50 gr miell, shtojmë 500 ml qumësht dhe e lëmë të ziejë duke e trazuar vazhdimisht. E largojmë dhe shtojmë kripë dhe arrëmoskat.

Në një tigan të thellë vendosim 2 lugë gjelle vaj, qepën të grirë imët të cilën e kaurdisim derisa të bëhet transparente. Shtojmë fileton e pulës të prerë në kubikë të vegjël, i kaurdisim së bashku derisa mishi të zbardhet dhe të ketë përthithur lëngun e tij. Shtojmë kërpudhat dhe i përziejmë ato sa të skuqen pak. Shtojmë kripë, piper të zi, majdanoz dhe beshamelin.

Vazhdojmë përzierjen për 5 minuta. Kullojmë makaronat, i shtojmë në tigan dhe i përziejmë sërish të gjithë përbërësit.

Lyejmë tavën me pak gjalp dhe shtojmë në të ½ e përzierjes me makarona. Shpërndajmë në të 1 topth mozzarella në kubikë të vegjël, shtojmë pjesën e mbetur të makaronave dhe përsëri shpërndajmë një topth tjetër mozzarella në kubikë. Pudrosim sipër me parmixhan të grirë dhe e vendosim tepsinë në furrë në temperaturë 200 gradë, për 20-25 minuta.

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!