Mali i Zi planifikon ngritjen e gardhit në kufi me Shqipërinë për të ndaluar emigrantët nga Lindja

Foto ilustruese

Mali i Zi është duke planifikuar ngritjen e një gardhi në kufi me Shqipërinë për të bllokuar kalimin e emigrantëve. Reagimi qeverisë malazeze vjen si rrjedhojë e faktit se mijëra emigrantë nga Lindja e Mesme dhe Afrika e Veriut janë duke përdorur si rrugë kalimin nga ky vend për të shkuar në BE.

Rruga e emigrantëve në Ballkan për të shkuar në vendet e BE është sipas këtij itinerari; Greqi-Shqipëri- Mali i Zi-Bosnjë për të kaluar në Kroaci dhe në shtete të tjera të Bashkimit Europian.

"Në rastin e një fluksi më të madh të emigrantëve, ne mund të ngremë një gardh me tela në kufirin me Shqipërinë", tha për televizionin shtetëror Vojislav Dragovic, kreu i departamentit të Malit të Zi për mbikëqyrjen e kufirit shtetëror, shkruan Reuters.

Vojislav Dragovic tha gjithashtu se autoritetet shqiptare shpesh herë kanë refuzuar të pranonin emigrantët që u kthyen nga Mali i Zi, bazuar te marrëveshja dypalëshe. Pas valës së emigrantëve nga Siria, Iraku, Pakistani dhe vende të tjera shumë vende kanë siguruar kufijtë e tyre me barriera fizike.

Hungaria ishte vendi i parë vendosi një gardh me tela në kufijtë e saj me Serbinë dhe Kroacinë gjatë krizës në 2015, kur më shumë se një milion emigrantë erdhën në Evropë.

  • Sondazhi i ditës:

    A jeni dakord me propozimin për dozë të tretë vaksine për personat mbi 60 vjeç?

Komento


×

Lajmi i fundit

John

Berisha i cilësoi shpifje dosjet për ‘Non Grata’, Kim e prerë: SHBA serioze në luftën me korrupsionin, me ju edhe përtej 30 viteve të ardhshme