Mali i Zi rihap kufijtë me Shqipërinë në fillim të qershorit

Mali i Zi rihap kufijtë me Shqipërinë në fillim të qershorit

Kryeministri i Malit të Zi, Dushko Markoviç deklaroi se “Vendet e para me të cilat Mali i Zi do t’i rihapë kufijtë në fillim të qershorit, janë: Shqipëria, Kroacia, Sllovenia, Austria, Gjermania, Polonia, Republika Çeke, Hungaria, dhe Greqia”.

Markoviç tha gjithashtu se këto vende i plotësojnë kushtet e duhura epidemiologjike të Institutit të Shëndetit Publik, dhe përkatësisht kanë deri në 25 të infektuar për 100,000 banorë.

“Së paku edhe dy shtete të rajonit i plotësojnë kushtet, por situata ndryshon nga dita në ditë. Ka mundësi që t’i hapim kufijtë edhe me këto shtete të rajonit, por varet se si do të jetë situata kur urdhri të hyjë në fuqi”, tha Markoviç.

Të huajve që do të hyjnë në Mal të Zi, nuk do t’iu kërkohet testim i posaçëm, porse do t’iu jepen udhëzime të qarta që duhet t’i ndjekin gjatë qëndrimit në Mal të Zi.

Mali i Zi, si edhe shumica e vendeve në Europë, i ka mbyllur kufijtë në mes të muajit mars, si masë për frenimin e përhapjes së koronavirusit.

Kryeministri malazez po ashtu tha se nga fillimi i javës së ardhshme synohet të rihapen edhe çerdhet e fëmijëve, si dhe të mundësohet që një numër i kufizuar i njerëzve të ndjekin ngjarjet sportive.

Mali i Zi, që nga 5 maji, pas 68 ditësh nga shfaqja e rastit të parë me koronavirus – nuk ka asnjë person të sëmurë me COVID-19.

Në total, në Malin e Zi janë infektuar 324 persona, prej tyre 315 janë shëruar dhe nëntë kanë vdekur.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emiljan: 26/05/2020 19:19

    Pa u ndryshuar sistemi ku ne populli te votojm vet te zgjedhurit tane jo ti vendos kryetari e te bejn si te duan kushdo parti qe vjen ne pushtet po nuk u ndrua njesoj ka per te qene

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi