Mamaja e Rita Orës, Vera krah mjekëve në Britaninë e Madhe në luftën kundër COVID-19

Mamaja e Rita Orës, Vera po jep kontributin e saj në këtë periudhë të vështirë që po kalon bota.

“The Sun”  i ka dedikuar një artikull nënës së këngëtares me origjinë shqiptare.

Me profesion psikiatre ku njëkohësisht ka punuar edhe si mjeke e përgjithshme, ajo po ndihmon të gjithë kolegët e saj që të përballojnë fluksin në rritje të të sëmurëve me COVID-19.

Nëpërmjet një video të publikuar nga Vera ajo u kërkoi ndjekësve të saj të rrinë në shtëpi për të ndihmuar në ndalimin e përhapjes së COVID-19.

“Edhe pse merrem me pacientët që kanë probleme me shëndetin mendor, po ndihmoj edhe kolegët e mi heronj. Është një kohë shumë e rrezikshme dhe të gjithë nuk janë të sigurtë dhe duhet qëndruar në shtëpi, ne po mbizotërohemi me pacientët që kalojnë dhe i rrezikojnë të gjithë”, është shprehur ajo,

Ndërsa Rita Ora ndodhet e izoluar në shtëpinë e saj, ku herë pas here nëpërmjet videove u  ka bërë thirrje njerëzve të jenë më të ndërgjegjshëm.

Po ashtu Rita ka promovuar bluza dhe kapele me një logo dhe tekst ku shkruhet: “Ndaloni përhapjen, luani rolin tuaj”.

Krahas një postimi në Instagram, këngëtarja shpjegoi se të ardhurat nga blerja e tyre do t’i shkojnë “Fondacionit të Kombeve të Bashkuara”.

Ekspertët britanikë shprehen se brenda disa javësh numri i të infektuarve me virusin vdekjeprurës do të rritet më shumë dhe nëse njerëzit nuk binden do të jetë e njëjta situatë si në Itali.

/b.ha./Shqiptarja.com

TAG:
• Britani e Madhe
• mjeket
• Vera Ora
• Koronavirus