Manastirliu: Në dy muaj u punësuan 140 mjekë përmes portalit 'Mjekë për Shqipërinë'

Manastirliu: Në dy muaj u punësuan 140 mjekë përmes portalit 'Mjekë për Shqipërinë'

TIRANË- 79 mjekë të rinj janë punësuar sot në sistemin shëndetësor publik, përmes portalit "Mjekë për Shqipërinë". Ministrja e Shëndetësisë dhe Mbrojtjes Sociale Ogerta Manastirliu ka pritur në një takim mjekët e sapopunësuar, ku theksoi se nuk do të ketë më kthim mbrapa për punësimin e profesionistëve të shëndetit me meritë dhe transparencë.

"Të gjithë vendet janë të prekura nga fenomeni i lëvizjes së lirë të mjekëve, edhe vendi ynë është i prekur nga ky fenomen. Por e vërteta është që profesionistët e shëndetit vijojnë të punësohen në sistemin shëndetësor. Dhe po punësohen me meritë. Vetëm për muajin Janar dhe Shkurt janë më shumë se 140 mjekë të punësuar në spitale dhe qendra shëndetësore", tha Manastirliu në takimin me mjekët.

Siç njofton zyra e shtypit, Ministrja e Shëndetësisë tha se mjekët e rinj janë dëshmitarë të ndryshimeve në shëndetësi sa i takon kushteve të punës, pasi investimet nga veri në jug nuk kanë munguar, duke shtuar se mbështetja e qeverisë për mjekët do të vazhdojë.

"Ju do të jeni nga nesër dëshmitarë të ndryshimeve në shëndetësi sa i takon kushteve të punës. Vetëm këto dy vite Poliklinika e Vlorës, Poliklinika e Lushnjes, 180 qendra shëndetësore që janë rindërtuar me standarded më të larta janë sot realitet i prekshëm. Do të vijojmë me programin e rehabilitimit të 300 qendrave shëndetësore, siç po vijojmë me investimet për maternitetet e Lezhës, Kukësit, Beratit, materniteti “Mbretëresha Geraldinë” e deri te spitali i ri i sëmundjeve të brendshme në QSUT”, u shpreh Manastirliu.

Portali ”Mjekë Për Shqipërinë” është një portal që nuk hapet me faza, por do të jetë gjatë gjithë kohës i hapur për të plotësuar vendet e lira të punës me mjekë familje apo mjekë specialistë. Secili mjek i cili është i diplomuar dhe i licensuar mundet që të aplikojë përgjatë gjithë vitit në pozicione të cilat janë të shpallura apo do të shpallen rishtazi në mënyrë të vazhdueshme nga Ministria e Shëndetësisë dhe Mbrojtjes Sociale, ndërsa procedurat ndiqen nga Operatori i Kujdesit Shëndetësor.

Vetëm gjatë vitit 2019 janë punësuar 316 mjekë në sistemin shëndetësor publik

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri