Masa shtrënguese për festat e fundvitit/ Rama: S’i kemi planifikuar, por nuk përjashtohet si mundësi

Kryeministri Edi Rama ka deklaruar se deri më tani nuk janë planifikuar masa shtrënguese për festat e fundviti, por nuk përjashtohet si mundësi. E gjitha kjo varet nga ecuria e virusit, shtoi kreu i qeverisë.

“Besoj që do ta kalojmë dhe do ta kalojmë duke dalë jo të dërrmuar por sigurisht më të çliruar dhe më të fortë. Masat shtrënguese nuk i vendos unë, i vendos komiteti teknik i ekspertëve. Masa më e rëndësishme është çfarë bëjmë si individë me rregullat e thjeshta sepse në fund të fundit ne jemi transmetuesit e këtij virusi dhe nëse e ndihmojmë apo e pengojmë virusin, varet nga ne. Deri tani nëse shohim atë që është problemi themelor i kësaj sfide, aftësinë për të përballuar fluksin e njerëzve në nevojë në spital them se jemi në ekuilibër. Nëse shohim fatalitetet edhe pse një jetë e humbur është shumë, jemi në ekuilibër. Askush, askund nuk i di të gjitha, mësojmë hap pas hapi. Për momentin nuk kemi paraprirë masa shtrënguese,por nuk i përjashton masat shtrënguese”, tha Rama.

LEXO EDHE:
Bonusi i bebes, nga viti 2019 përfituan mbi 210 mijë fëmijë

Lajmi kryesor:

Situata e COVID/ Rama: S’kemi planifikuar masa shtrënguese për festat e fundvitit, por s’përjashtohet si mundësi! 2 arsyet pse u mbyllën Universitet dhe jo baret

B.K./Shqiptarja.com

TAG:
• edi rama
• koronavirusi ne shqiperi
• masat anticovid