'Ëndërr Amerikane' me diplomë false, gjykata lë në burg Agron Selmanin

'Ëndërr Amerikane' me diplomë false, gjykata lë në burg Agron Selmanin

Agron Selmani në momentin e arrestimit nga policia

Gjykata e Tiranës cakton masën e sigurisë arrest me burg për Agron Selmanin i cili u arrestua të mërkurën, kur sapo doli nga Ambasada Amerikane pas intervistës  për të marrë vizën. Gjyqtari Sokol Tona vendosi ta lejë në burg deri në përfundim të hetimeve. 41-vjeçari Selmani akuzohet për veprat penale të "Mashtrimit" dhe "Falsifikimit të dokumenteve shkollore".

Ishte Shërbimi Diplomatik i Sigurisë DSS që zbuloi se mes dokumenteve që kishte dorëzuar për të marrë vizën përmes llotarisë, Selmani kishte edhe një diplomë të shkollës së mesme "Jordan Misja" në Shkodër. Diploma rezultoi se ishte false, pasi Selmani nuk kishte qenë asnjëherë në këtë shkollë.

Mësohet se prokuroria i është paraqitur gjykatës me dy kërkesa të ndryshme. Ditën e djeshme në sekretari u dorëzua kërkesa që Selmani të lihej në arrest shtëpie, e ndërsa në seancën e sotme kërkesa ishte për arrest me burg, kërkesë kjo që u pranua më pas nga gjykata. Dihet që personat pa diplomën e shkollës së mesme nuk mund të fitojnë vizën amerikane dhe shumë persona falsifikojnë dokumentat vetëm që të bëhen pjesë e "Ëndrrës Amerikane".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ramj: 24/08/2019 12:24

    Arrest me burg per diplome fallco? What???? Dmth tre cereku i shqiperise te arrestohet! C jane keto! A thua se jemi ne amerike!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis