Mat/ Gjueti e paligjshme, gjobiten me nga 80 mijë lekë 2 persona, njëri arrestohet! Sekuestrohen 1 pushkë, 2 armë gjahu dhe municion luftarak

Mat/ Gjueti e paligjshme, gjobiten me nga 80 mijë lekë 2 persona, njëri arrestohet! Sekuestrohen 1 pushkë, 2 armë gjahu dhe municion luftarak

Armet dhe municioni i sekuestruar

Policia e Matit ka njoftuar sot se ka vënë në pranga një person për armëmbajtje pa leje, ka gjobitur 2 persona me nga 80 mijë lekë.  Dy personat që po procedohen, një në arrest dhe tjetri në gjendje të lirë dhe 3 shokë të tyre u gjobitën me nga 10 mijë lekë pasi dolën pas orës 22:00.

Gjatë operacionit janë sekuestruar 2 armë gjahu çifte, 1 armë zjarri pushkë dhe 578 fishekë.

Uniformat blu bëjnë me dije se në vendin e quajtur “Fusha e Lajthit’, Balgjaj, Bashkia Klos, kanë evidentuar dhe goditur një rast të armëmbajtjes pa leje.

Gjatë kontrollit të zonës, shërbimet e Policisë kanë ndaluar dhe kontrolluar shtetasit Sh. T. dhe F. P., të cilët posedonin dy armë gjahu çifte që i mbanin pa leje, me të cilat dyshohej se po kryenin gjueti të paligjshme.

Gjithashtu, gjatë kontrollit të ushtruar në një ambient në përdorim nga shtetasi Sh. T., 47-vjeç, në zonën e Balgjajt, shërbimet e Policisë kanë gjetur edhe 1 armë zjarri pushkë dhe një sasi municioni luftarak. 47-vjeçari është arrestuar.

Materialet procedurale i kaluan Prokurorisë së Rrethit Gjyqësor Mat, për veprat penale "Mbajtja pa leje e armëve, armëve shpërthyese dhe e municionit" dhe "Mbajtja pa leje e armëve të gjuetisë dhe sportive" në ngarkim të shtetasit Sh. T., si dhe për veprën penale "Mbajtja pa leje e armëve të gjuetisë dhe sportive" në ngarkim të shtetasit F. P.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet