Materialet nga Turqia, Rama: Erdogani na bëri nder të madh! Manastirliu: Rritëm stokun, presim 30 mijë syze mbrojtëse

Ministrja e Shëndetësisë Ogerta Manastirliu u shpreh se pas transportit nga Turqia 50 mijë pajisje mbrojtëse për pacientët dhe mjekët janë shpërndarë, ndësa stoku është i konsiderueshëm. 

Diskutimi me ministren e Shëndetësisë
Edi Rama: Ogerta, e di që je e mbingarkuar dhe të kemi një listë borxhesh gjumi, por disa pyetje të shpejta. Materialet nga Turqia u morën në dorëzim?
Ogerta Manastirliu: Po ka filluar shpërndarja e të gjithë elementëve dhe paketave të mbrojtjes së mjekëve. Sot është bërë furnizimi duke rritur stoqet që kishim për më shumë siguri, pasi krijon panoramën mbrojtësve. Ne sot kemi shpërndarë 50 mijë elementë të seteve mbrojtëse. Në vijim presim 167 mijë maska, veshje dhe dorëza. 30 mijë syze dhe ekrane mbrojtëse dhe dezinfektantë për të krijuar atë armën e duhur për barrierat mbrojtëse për personelin. Do të vijojmë me këtë kanal komunikimi për të mbështetur mjekët dhe infermierët.
Edi Rama: E bëtë sot bisedën me homologun?
Ogerta Manastirliu:  Jo kishim qenë në këshillin e sigurisë, ose në darkë vonë...kur të ketë oraret e lira.
Edi Rama: Duhet theksuar se janë materiale të blera nga qeveria jonë, pjesë e buxhetit të luftës, por nderi i madh dhe avantazhi është që qeveria turke hapi kanalin e eksportit me urdhër të Presidentit. Pasi vendet kanë mbyllur kufijtë dhe kjo e bën shumë të komplikuar këtë luftë dhe që ne tani të garantojmë rezerva dhe këto janë të konsiderueshme falë këtij kanali që kemi hapur. Është një hapje ekskluzive kanali, pasi si Turqia dhe Kina janë mbyllur për kërkesat, por me urdhër të presidentit u hap.


Lajmi kryesor:

Nis puna për spitalin karantinë! Rama online me ministrat: Asnjë pensionist s'do lejohet jashtë! Sot erdhën 50 mijë mjete mbrojtëse


d.ba./Shqiptarja.com
  • Sondazhi i ditës:

    A ju duket i drejtë vendimi që pensionistët nuk mund të dalin më nga shtëpia deri në një urdhër të dytë?