Mbërrijnë 50 mijë vaksina anti-COVID të AstraZeneca të dhuruara nga India! Manastirliu: Në 24 orë u vaksinuan 8,065 persona! Javën tjetër nisim vaksinimin e punonjësve të transportit ajror

Kanë mbërritur mbrëmjen e sotme në Aeroportin “Nënë Tereza” , 50 mijë doza të tjera të vaksinës AstraZeneca, donacion i Republikës së Indisë. Ministrja e Shëndetësisë dhe Mbrojtjes Sociale Ogerta Manastirliu, Ministri i Shtetit për Rindërtim Arben Ahmetaj dhe Ambasadori i Republikës së Indisë në Bukuresht, Rahul Shrivastava ishin të pranishëm në Aeroportin “Nënë Tereza”.

"Sot kanë mbërritur edhe 50 mijë doza të vaksinës AstraZeneca, të cilat menjëherë do të shpërndahen në të gjithë qendrat shëndetësore dhe qendrat masive të vaksinimit, për të vijuar vaksinimin masiv të popullatës mbi 60 vjeç", tha Manastirliu. 

Ministrja e Shëndetësisë u shpreh se me ardhjen e mbi 200 mijë dozave të tjera, këtë javë nis vaksinimi antiCOVID edhe për punonjësit e transportit publik, si fillim ai ajror.

"Javën që vjen, duke filluar nga nesër, presim mbi 200 mijë doza vaksine. Po vijohet me operatorët turistikë, dhe do të shtrihemi javën e ardhshme edhe në targetin e punonjësve të transportit publik, duke filluar me punonjësit e transportit ajror, me punonjësit e Air Albania", nënvizoi Manasirliu. 

Duke e konsideruar situatën e epidemisë në vend, një situatë të kontrolluar, Manastirliu ka bërë me dije se në Spitalin COVID 3 nuk ka aktualisht pacientë të shtruar, por njësoj si COVID 4, do të jenë në gatishmëri bashkë me stafet mjekësore.

"Jemi në një situatë, e cila konsiderohet me një incidiencë të ulët sa i përket rasteve të reja ditore. Situata në spitale paraqitet e qëndrueshme. Në spitalet COVID 3 dhe COVID 4 akutualisht nuk ka më pacientë, pasi është ulur numri pacientëve, por ato jane sërish në gatishmëri dhe mund të themi që situata paraqitet e kontrolluar", tha Manastirliu.

Aktualisht janë rreth 490 mijë vaksina të mbërritura në Shqipëri, ndërsa priten mbi 200 mijë vaksina të tjera në ditët në vijim. Shqipëria mori dje sasinë e radhës të dozave të vaksinës AstraZeneca, nëpërmjet mekanizmit "COVAX".  Në Aeroportin e Rinasit mbërritën 40.800 doza AstraZeneca. Synimi është që të arrihet objektivi prej 500 mijë persona të vaksinuar deri në fund të majit.  Vaksinimi masiv po vijon me të moshuarit mbi 60 vjeç ku prioritet kanë të sëmurët kronik, stomatologët, farmacistët, arsimtarët në shkollat private, edukatorët, operatorët turistik punonjësit e rendit dhe punonjës të medias. Aktualisht në vendin tonë janë duke u përdorur vaksina Pfizer, AstraZenca, vaksina ruse Sputnik V dhe ajo kineze Sinovac. 

Rendit zhvillimet sipas orarit:
Ora 21:53
Situata nga COVID, Manastirliu: Në 24 orët e fundit janë vaksinuar 8,065 vetë, në total 332,905 persona

Në 24 orët e fundit janë vaksinuar 8,065 persona, ndërsa në total janë 332,905 të vaksinuar. Shifrat i ka bërë me dije ministrja e Shëndetësisë Ogerta Manastirliu me anë të një postimi në rrjete sociale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD