‘Mbështesim kërkesat e futbollit’, sekretari i federatës së basketbollit: Qeveria s’na kthen përgjigjje për nisjen e aktivitetit

‘Mbështesim kërkesat e futbollit’, sekretari i federatës së basketbollit: Qeveria s’na kthen përgjigjje për nisjen e aktivitetit

Sekretari i Federatës së Basketbollit në Shqipëri, Korab Llazani, ka ngritur sot zërin në lidhje me mos reagimin e qeverisë për kërkesën e tyre për të nisur aktivitetin, pasi siç dihet që prej sezonit të kaluar kur u ndërpre për shkak të koronavirusit ata nuk kanë shkelur më në parket.

Kjo pasi qeveria ende nuk i lejon lojrat që bëhen në salla të mbyllura dhe një prej tyre është edhe basketbolli. Sipas Llazanit do të kishte qenë e mira sikur të kishte një përgjigjje qoftë edhe negative.

“Shqetesimi ynë kryesor është indiferenca ndaj kthimit të përgjigjes, qoftë dhe negative nga ministria dhe Komisioni Teknik i Covid 19.

Gjendemi përpara një skandali, jo vetëm profesional, por edhe ndërkombëtar, pasi FIBA ka sjellë datat e aktiviteteve ndërkombëtare, por ne nuk kemi as ku përgatitemi, jo më të marrim pjesë. Nuk e kuptojmë guximin e hekurt të autoriteteve shëndetësore për të mos kthyer përgjigje. Nuk besojmë se pallatet e sportit ne Shqipëri janë vatrat e rrezikshme europiane apo botërore të Covid-it, apo të jemi ne Whuani.”

Ndërkohë, sekretari i përgjithshëm i Federatës Shqiptare të Basketbollit shtoi se janë njëzëri dhe krah me Federatën Shqiptare të Futbollit në këkesat ndaj qeverisë.

“Ne jemi ndër nismëtarët e kërkesës së ndryshimit të ligjit të sponsorizimit dhe të modernizimit të tij. Të rritet përqindja e të bëhet që ky ligj të funksionojë. Duket sikur gjithçka e merr përsipër futbolli, por ky vend nuk ka vetëm futboll dhe sportet e tjera të quhen fiskulturë. Na duhet medoemos që të shtohen financimet në sport dhe të ndryshojnë ligjet që e nxisin këtë gjë.”

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dokumenti/ Si Lulzim Basha u dënua nga gjykata për shpifje për rastin e Olsi Ramës

Dokumenti/ Si Lulzim Basha u dënua nga gjykata për shpifje për rastin e Olsi Ramës