Mbi 34 milionë të prekur nga Covid në botë! Alarmi mbetet i lartë në Francë, Britani dhe Spanjë...Rritet shifra e të prekurve në Itali

Mbi 34 milionë të prekur nga Covid në botë! Alarmi mbetet i lartë në Francë, Britani dhe Spanjë...Rritet shifra e të prekurve në Itali

Numri i përgjithshëm i të prekur nga Covid në botë është mbi 34 milionë kurse totali i viktimave ka shkuar në 1 milion e 19 mijë

Në Londër Kryeministri Boris Johnson mbron kufizimet ndërsa Parisi është në prag të një bllokimi të ri. Alarmi Covid mbetet i lartë në Francë, Spanjë dhe Britani të Madhe ku po regjistrohen me mijëra raste të reja dhe rrezikohet të vendosen masa kufizuese e bllokuese

Qeveria Spanjolle njoftoi një bllokim të pjesshëm në Madrid, ndërsa Franca është gjithashtu në prag të mbylljes dhe në Londër, në ditën kur vendi tejkaloi 7,000 raste të reja

Në Spanjë ka patur gjatë 24 orëve të fundit 3897 raste të reja Covid-19,  nga të cilat 1,586 vetëm në Madrid. Sipas autoriteteve u regjistruan edhe 177 viktima kurse javën e kaluar u raportuan  486 humbje jete

Francë, mbi 12 mijë raste

Numri i rasteve në Francë është përsëri në rritje, ku në 24 orët e fundit ka pasur 12.845 infeksione sipas Ministrisë së Shëndetësisë. 64 vdekje të reja e kanë rritur totalin në 31,956 që nga fillimi i pandemisë.

Numra alarmantë në Britaninë e Madhe

7,000 raste të reja të koronavirusit janë tejkaluar për të dytën ditë radhazi në Britaninë e Madhe. Në 24 orët e fundit, në fakt, janë konstatuar 7,108 infeksione (7,143 një ditë më parë), për një total prej 453,264 rastesh që nga fillimi i pandemisë. Vdekjet e regjistruara sot nga autoritetet ishin 71 për një total prej 42,143 viktima.

Shtetet e Bashkuara gjatë 24 orëve të kaluara arritën shifrën e 7,227,779 rasteve të konfirmuara të vdekjeve Covid-19  dhe 206,859, sipas vlerësimit nga Universiteti Johns Hopkins.

Instituti i Universitetit të Uashingtonit për Matjet dhe Vlerësimin e Shëndetit (IHME), modelet parashikuese të evolucionit pandemik të të cilit citohen shpesh nga Shtëpia e Bardhë, vlerëson se Shtetet e Bashkuara do të arrijnë në 240,000 vdekje deri në ditën e zgjedhjeve presidenciale të 3 nëntorit dhe 370,000 deri më 31 dhjetor.

Në Brazil mbi një mijë vdekje në 24 orë

Brazili regjistroi 1,031 vdekje nga Covid-19 dhe 33,413 infeksione në 24 orët e fundit, duke e çuar numrin e vdekjeve në gati 144,000 dhe numrin e infeksioneve në 4.9 milionë.

Brazili ka numrin e dytë më të lartë në botë të vdekjeve nga Covid, pas Shteteve të Bashkuara dhe numrin e tretë më të lartë të infeksioneve, pas SHBA dhe Indisë.

Kanada, kufijtë e mbyllur deri në nëntor

Kanadaja ka vendosur të zgjasë mbylljen e kufijve të saj për të huajt deri në fund të tetorit, me përjashtim të atyre prania e të cilëve në territorin e saj konsiderohet thelbësore. Nga ana tjetër, kufiri i Kanadasë me Shtetet e Bashkuara mbetet i mbyllur deri më 21 Tetor, siç kërkohet nga një marrëveshje dypalëshe e nënshkruar me Uashingtonin e cila aktualisht lejon vetëm tranzitin e mallrave dhe udhëtimet që konsiderohen thelbësore. 

Rendit zhvillimet sipas orarit:
Ora 19:08
Covid në Spanjë/ Rikthehet bllokimi në Madrid! Kufizime të reja në veri të Anglisë

Madridi po kthehet nën masat e bllokimit në të gjithë qytetin pas një numri të madh të rasteve të koronavirusit në kryeqytetin spanjoll, në një lëvizje dramatike që ilustron intensitetin në rritje të betejës së Evropës kundër një vale të infeksioneve të ortekut.

Njerëzit nuk do të jenë në gjendje të largohen ose të hyjnë në zonën e tyre përveç për arsye pune, arsimimi ose shëndetësore, tubimet do të kufizohen në gjashtë persona dhe dyqanet, baret dhe restorantet do të duhet të zvogëlojnë kapacitetin me 50% dhe të mbyllen me 22:00

"Madridi është i veçantë sepse shëndeti i Madridit është shëndeti i Spanjës", tha Ministri Spanjoll i Shëndetësisë Salvador Illa të mërkurën në një konferencë shtypi ndërsa njoftoi masat, duke e quajtur situatën "komplekse" dhe "shqetësuese".

Kufizimet do të zbatohen për bashkitë me më shumë se 500 raste për 100,000 njerëz në 14 ditët e fundit, ku numri i rasteve pozitive tejkalon 10% të të gjitha testeve diagnostikuese ose ku pacientët Covid-19 përbëjnë më shumë se 35% të shtretërve në terapi intensive.

Madrid raportoi dje 1,586 infeksione të reja, duke përfaqësuar 40% të rritjes kombëtare. Qeveria e tij rajonale kundërshtoi masat, duke pretenduar se shpërthimi ishte nën kontroll.

Izolimi i gjerë i bën jehonë masave të reja dhe të rrepta që po vendosen në shumë vende të kontinentit ndërsa një valë e dytë mbërthen Europën.

Kufizime të reja në veri të Anglisë

Sekretari Britanik i Shëndetësisë Matt Hancock njoftoi sot masa të reja si kufizime udhëtimi në Liverpool dhe disa qytete të tjera në veri të Anglisë pas një rritje të shpejtë të rasteve. Masat e reja këshillojnë gjithashtu kundër udhëtimeve jo-thelbësore dhe vizitave te familjarët apo miqtë, përveç për rrethana të jashtëzakonshme.

Ora 17:22
Rriten shifrat Covid në Itali/ Regjistrohen 2548 të infektuar dhe 24 viktima në vetëm një ditë

 Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 24 viktima nga koronavirusi (edhe dje ishin 24)

Totali i vdekjeve që nga fillimi i emergjencës shëndetësore është rritur në 35,918

Gjithashtu autoritetet e shëndetësisë raportuan se sot u regjistruan edhe 2548 raste të reja pozitiv,(dje ishin 1648) për një total prej 317 409 të prekurish nga Covid prej fillimit të pandemisë

Numri i pacientëve të shëruar sot ishte 1140, për një total prej 228 844 raste

Në Rajonin e Lombardisë gjatë 24 orëve të fundit u raportua për 5 viktima dhe 324   raste të reja pozitive.

Italia nuk ndjek trendin e Europës

Numri kumulativ i rasteve Covid në Itali në dy javët e fundit është aktualisht pak më shumë se 37 për 100,000 banorë, ndër nivelet më të ulëta në Europë. Mbretëria e Bashkuar ka mbi 100 raste për 100 000 banorë, Franca mbi 230 dhe Spanja mbi 330.

Në realitet, është e vështirë të identifikosh saktësisht pse Italia në një farë mënyre nuk po tërhiqet nga trendi i vendeve europiane

Shkalla e testimit të saj nuk është jashtëzakonisht e lartë - Britania e Madhe po kryen tre here më shumë teste se Italia e cila po kryhen teste të shpejta në rezultate në disa aeroporte, stacione treni dhe shkolla, duke ‘kapur shpejt’ rastet e reja dhe po shpejt izolimin e tyre.

Shpjegimi më i mundshëm është një kombinim i faktorëve - testimi dhe gjurmimi efikas si dhe bllokimi më i gjatë në kohë. Italia ishte vendi i parë në botë që u mbyll totalisht dhe një nga më të ngadaltët për t'u rihapur. Gjithashtu traumat e shkaktuara nga Covid i kanë bërë njerëzit të jenë më të ndërgjegjshëm në respektimin e masave

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kristen Stewart është gati të ketë një fëmijë më të fejuarën e saj

Kristen Stewart është gati të ketë një fëmijë më të fejuarën e saj