Mbretëresha Elizabeth II me fjalim të rrallë para britanikëve për koronavirusin, i katërti në histori

Mbretëresha e Britanisë së Madhe, Elizabeth II do të dalë sot në një konferencë të rrallë televizive.

Sipas Daily Mail, ajo pritet të flasë për gjendjen e rëndë të Britanisë së Madhe si pasojë e përhapjes së pandemisë, që vetëm gjatë ditës së djeshme ka marrë jetën e 708 personave, duke shënuar kështu numrin më të madh me të vdekur brenda një dite.

Ndërkohë që ekspertët paralajmërojnë se ditët në vazhdim, mund të ketë edhe nga 1mijë të vdekur brenda 24 orëve.

Ky fjalim është regjistruar në Ëindsor Castle dhe do të transmetohet në orën 20:00 të mbrëmjes me oren lokale. Mbretëresha pritet t’i kërkojë popullit të bëhet më i fortë se kurrë në këto ditë të vështira.

Ky është fjalimi i katërt i Mbretëreshës Elizabeth, që kur ajo është në krye të mbretërisë britanike nga viti 1953. Fjalimi saj i fundit ishte në vitin 2002, kur iu drejtua britanikëve që t’i njoftonte për vdekjen e Nënës Mbretëreshë.

Më herët, mbretëresha i është drejtuar popullit me fjalimet e rralla, më 1997 pas përcjelljes së funeralit të Princeshës Diana, si dhe për të folur për Luftën e Gjirit në vitin 1991.

 

TAG:
• Mbretëresha Elizabeth II
• konference
• Koronavirus