X

POP 5

Lajmet më të lexuara të 5 minutave të fundit

Kronikë

Mbrojtja e fëmijëve nga dhuna seksuale, përfaqësuesi i UNICEF: Të mbrojmë të miturit! Soreca: Abuzimi ndaj tyre është dështim i të gjithëve

Pasditen e të hënës në Tiranë u zhvillua një aktivitet nga UNICEF që kishte për qëllim parandalimin dhe sensibilizimin për uljen e dhunës ndaj fëmijëve. Pjesëmarrës në këtë aktivitet ishte dhe ambasadori i BE, Luigi Soreca i cili tha se abuzimi seksual ndaj fëmijëve është dështim i të gjithë shoqërisë.

Dhuna ndaj fëmijëve, veçanërisht dhuna seksuale, është një nga format më të këqija të abuzimit. Ditën e sotme UNICEF organizoi një fushatën e sensibilizimi me qëllim mbrojtjen e fëmijëve nga dhuna dhe kryesisht edhe nga dhuna seksuale.

Roberto De Bernardi, përfaqësuesi i UNICEF në Shqipëri zbuloi se qëllimin e kësaj fushate është mbrojtja e fëmijëve.

"Në thelb të mandatit tonë është që të mbrojmë fëmijët nga të gjitha format e abuzimit dhe nga të gjitha format e dhunës. Por, ama kjo është diçka që nuk do të arrihet nëse aktorët që janë të përfshirë në jetën e fëmijëve, të gjithë qeveri, qeveri vendore, të gjithë institucionet e tjera përgjegjëse nuk ndërmarrin angazhimet e tyre dhe nuk ndërmarrin veprimet dhe masat përkatëse për t'i mbrojtur fëmijët dhe të drejtat e tyre", deklaroi përfaqësuesi i UNICEF Roberto De Bernardi.

Ndërsa Ambasadori i BE-së, Soreca u shpreh se abuzimi seksual i fëmijëve është dështim i të gjithëve.

"Është detyrë kolektive e jona, është roli ynë kolektiv që ne t'i bëjmë ata të ndihen se mund të flasin me secilin prej nesh. Mesazhi im i parë që kam për ju është që të jeni gjithmonë vigjilentë. Fuqizojini fëmijët. Pra ju si prindër dhe ndoshta ky është edhe mesazhi më i vështirë, duhet t'u mësoni fëmijëve tuaj që ata kanë të drejtën të thonë JO", u shpreh Soreca.

 Muajt e fundit janë shtuar rastet kur është abuzuar seksualisht ndaj të miturve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Lojtari i Kombëtares në formacionin e javës në La Liga

Lojtari i Kombëtares në formacionin e javës në La Liga

16 Prill, 16:17