Apeli i GJKKO-së lë në burg Enkelejda Hoxhën, ish-gjyqtarja e Krujës: Më lironi të kujdesem për fëmijët

Gjykata e Posaçme e Apelit për Korrupsionin dhe Krimin e Organizuar ka lënë në burg ish-gjyqtaren e Krujës Enkelejda Hoxhën, e cila u arrestua pak muaj më parë pasi u kap në flagrancë gjatë seancës gjyqësore, teksa po lironte një të dënuar për vrasje. Me ndryshime në kodin e procedurës penale kërkesa u shqyrtua nga një gjyqtare e vetme, Nertina Kosova, e cila ka refuzuar kërkesën për liri të ish-gjyqtares Enkeljeda Hoxhës, e cila do të vijojë që të jetë në qeli deri në përfundimin e hetimeve. Burime për gazetarin e Report Tv Arsen Rusta bëjnë me dije se gjyqtarja ka kërkuar lirimin duke theksuar se do të kujdeset për fëmijët e saj. 

‘Më lironi të kujdesem për fëmijët’- mësohet të jetë shprehur ajo.

Ish-gjyqtarja Hoxha u arrestua nga SPAK pas një superoperacionit të zhvilluar në Gjykatën e Krujës, gjatë seancës gjyqësore, teksa po lironte një tjetër të dënuar.

Mes të dënuarve janë edhe sekretarja e Gjykatës, Emanuela Mallkuçi, ekspert shëndetësor dhe avokati Aldo Tabaku të cilët në bazë të një skeme të mirëfilltë kriminale bënin lirimin e të dënuarve. Emri i gjyqtares lidhet me lirimin e shumë të dënuarve me burg përjetë, mes tyre edhe Endrit Dokle, Genc Tafilit ai edhe Hekuran Billa, i vrarë disa muaj më parë në Tiranë. 

Këshilli i Lartë Gjyqësor shkarkoi nga detyra Enkelejda më 17 mars, e akuzuar se ka shkelur detyrën në lirimin e disa të dënuarve me burgim të përjetshëm, vendim të cilin Hoxha e ka apeluar.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2021, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2021, dënohen 12 persona! Mes tyre 2 kryeinspektorë dhe 2 inspektorët e IKMT-së