'Më ngacmonin çdo ditë', Bebe Rexha tregon vuajtjet e adoleshencës

Këngëtarja me famë botërore Bebe Rexha ka folur për adoleshencën e saj si një periudhë aspak të bukur e të lumtur.

Përmes një postimi në ‘Instagram’ Bebe tregoi se ka vuajtur nga bullizmi dhe se të gjithë e tallnin dhe e quanin të shëmtuar.

“Një ditë në shkollën e mesme, isha ulur në lokal me të gjithë shoqet e klasës. Vajza që më ngacmonte gjithnjë, filloi të shkonte nëpër tavolina dhe t’i thoshte secilës nga vajzave se ishin të bukura derisa ajo erdhi tek unë dhe më bërtiti e shëmtuar në fytyrë  dhe të gjithë qeshën.

Më ngacmonin çdo ditë dhe kthehesha duke qarë në shtëpi. Kisha frikë të shkoja në shkollë dhe asnjë nga mësuesit nuk bëri asgjë kur kërkova ndihmë. Unë besoj se pa marrë parasysh se cila është e kaluara juaj, ne të gjithë meritojmë të ndjehemi të sigurt,”, shkruan këngëtarja.

Ajo është një nga vajzat më të famshme të botës dhe është kthyer në një burim fymëzimi për të gjithë njerëzit që janë përfshirë në bullizëm.

Postimi Bebes

TAG:
• bebe rexha
• bullizem
• adoleshente