Më shumë se sa i gëzoi, arrestimi i Dakos i trembi Berishën dhe 'Rithemelimin'

Më shumë se sa i gëzoi, arrestimi i Dakos i trembi Berishën dhe 'Rithemelimin'

Sali Berisha

Ka disa orë që është bërë publik arrestimi i ish kryetarit të Bashkisë së Durrësit Vangjush Dako, dhe opozita ka reaguar me ‘pikatore”.

Duhej që ditën e sotme opozita, e cila ka gati 15 vite që kërkon arrestimin e ish kryebashkiakut të Durrësit, të kishte nisur ‘vallen’ që nga selia buzë Lanës e deri tek Drejtoria e Policisë së Tiranës, po buzë Lanës, për të festuar arrestimin e kundërshtarit më të madh në qytetin bregdetar, i cili është akuzuar se ua ka vjedhur në të gjitha rastet votat.

Asgjë nuk ndodhi nga këto elementë, madje as nuk u shprehën si duhet publikisht për arrestimin e njërit prej kundërshtarëve më të mëdhenj. Siç duhej të gëzonte çdo opozitë të cilës i kishte rënë ‘bretku’ dhe dalë ‘goja pas shpine’ duke e akuzuar dhe kërkuar futjen e tij në burg.

Tani që u arrestua dhe u mbyll në qeli Dako, opozita mbahet pas tenknicialiteteve, procedurave dhe gjërave anësore, duke treguar se nuk e ka pritur aspak mirë arrestimin e ish kryebashkiakut të Durrësit.

Ka reaguar në fillim kreu i këshillit kombëtar të “Rithemelimit” Edi Paloka, i cili më shumë sa sa për arrestimin e Dakos, foli për skenarin se si u vu në pranga ai, kush urdhëroi dhe gjëra të tjera të këtij lloji. Duke akuzuar Edi Ramën dhe Yuri Kim. Asgjë më tepër.

Pas tij del vetë Sali Berisha, kreu i “Rithemelimit”, njeriu që ka lëshuar më shumë akuza ndaj Dakos dhe që duhej të gëzonte vërtetë me të madhe për arrestimin e tij.

Në vend që të mbante një qëndrim siç mund të mbajë një lider i një subjekti apo dhe grupimi politik, Berisha nuk ka folur me fjalët e tij, por ka bërë një deklaratë duke u fshehur pas “qytetarit dixhital”, I cili i paska thënë se urdhërarresti është prerë që të premten, por që kishin qënë të zënë me ‘arrendimin’ e qelisë në Durrës, ndonëse Dako është vetëdorëzuar në Tiranë dhe po pyetet në Drejtorinë e Policisë së kryeqytetit.

Dhe këtë fshehje e bën pikërisht Berisha, njeriu që e ka kërkuar më shumë arrestimin e Dakos, duke reflektuar në publik se jo vetëm që nuk e ka gëzuar arrestimi i Dakos, por me sa duket e ka trembur shumë.

E themi këtë pasi Berisha ka disa akuza në kurriz, dhe ngritja e “stekës” së arrestimeve dhe tek ata që mendohen në majën e mbështetjes së pushtetit, duke treguar se SPAK e ka seriozisht në dhënien fund të pandëshkueshmërisë së zyrtarëve të lartë, dhe këtë arrestim me sa duket e sheh dhe si një ngushtim laku për vetë atë, kreun e “Rithemelimit”.

Pasi ka disa koncidenca të ‘rrezikshme’ që shkojnë në favor të asaj që konstatojmë, frikën që ndjen Berisha nga arrestimi i Dakos.

Fjala është për objektin e hetimit ndaj Dakos, që bën fjalë për një shkelje me lejen e ndërtimit të vitit 2011, pikërisht në atë vit kur Sali Berisha, kryeministër asokohe, bëri gjëmën e madhe: Më 21 janar 2011 urdhëroi Gardën e Republikës për të vrarë 4 demonstrues të opozitës së atëhershme. Dhe ku çështja është nën hetim, pasi vrasja e Aleks Nikës është pa autor.

Kjo e ka frikësuar me sa duket Berishën, pasi SPAK po operon dhe në thellësi me hetimet, dhe është pikërisht në “vitin e Berishës”, dhe që mund të preket. Pa përmendur kallzimet e tjera penale që Berisha ka në SPAK dhe që janë nën hetim.Ndaj ka një heshtje thuajse “mortore” tek opozita dhe lidershipi i saj. Me sa duket nuk do ketë parashkrim krimesh, dhe të gjithë do kalojnë nën hetimin e SPAK. Berisha e ndjen veten të zbuluar dhe të pambrojtur në këtë rast. Të shohim.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fiufiu: 07/06/2023 09:49

    Arrestimi i tyre nuk i zgjidhen problemet popullit, prandaj kot e keni. Zgjidhni problemet që mos ju ikin dhe ata që kanë ngel aty

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Bëjnë paqe? Heidi dhe Romeo puthen dhe përqafohen në oborr

Bëjnë paqe? Heidi dhe Romeo puthen dhe përqafohen në oborr