Me sy e veshë nga 'San Siro', sonte luhet derbi Milan-Inter

Me sy e veshë nga 'San Siro', sonte luhet derbi Milan-Inter

Bota e futbollit sonte është me sy e veshë nga “San Siro”. Luhet derbi i Milanos ku skuadrat do të kërkojnë revansh. Milan-Inter starton në 20:45 dhe është një provë e rëndësishme për të dyja ekipet. Kuqezinjtë kanë 6 pikë pasi kanë marrë dy fitore radhazi dhe sa i përket formacionit pritet që të jetë një Milan i vjetër pa blerjet e reja. Kroati Rebic pritet ta nisë nga pankina dhe titullar do jetë braziliani Paqueta që së bashku me Suson do mbështesin Piatek. Conti do zëvendësojë Calabrian në krahun e djathtë të mbrojtjes ndërsa trajneri Giampaolo në konferencë ka thënë se derbi fitohet duke luajtur mirë.

Interi nuk është mposhtur në 6 derbet e fundit. Po ashtu zikaltërit fituan derbin e fundit si udhëtues por pas barazimit në ndeshjen e Champions me Slavian situata është jo fort pozitive dhe futbollistët kërkojnë revansh. Interi e kryeson kampionatin me pikë të plota ndërsa sa i përket formacionit dyshja e sulmit do jetë në faktorin L. Lukaku-Lautaro Martinez do provojnë të mposhtin Donarumman. Pritet që D’Ambrosio të luajë në vend të Candrevas dhe Godin do jetë nga minuta e parë. Antonio Conte në konferencë ka thënë:” Derbi është gjithmonë special. Përballemi me një skuadër shumë të mirë. Në Champions bëmë gabime dhe duhet të kuptojmë atje ku kemi bërë gabimet”.  Derbi i Milanos do transmetohet në 200 vende të Botës dhe spektakli është i garantuar. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete