Mero Baze: Për të ardhmen e dyshes Berisha – Doshi

Mero Baze: Për të ardhmen e dyshes Berisha – Doshi

Tom Doshi dhe Sali Berisha

Sali Berisha dhe Tom Doshi kanë tanimë të dy të njëjtin status në listën e zezë të SHBA. Krahasuar me Doshin, që ka akuza për lidhje kriminale, Sali Berisha ka një epitaf të rëndë që mban brenda krimin, mos ndëshkimin, minimin e demokracisë, korrupsionin dhe betejën kundër drejtësisë. Ai aktualisht është personaliteti më i rëndësishëm politikë në botë i gjallë, që është në atë listë.

Në fillim të fushatës elektorale, Partia Demokratike këmbënguli përmes një arsyetimi ligjor nga Hegla Vukaj se një personi që është në listën e zezë të SHBA, nuk i takon mandati I deputetit. Arsyetimi bazohej tek një nen i ligjit të dekriminalizimit që e konsideronte mos lejimin për të shkuar në SHBA si zbim nga ai vend dhe fakte të tjera.

KQZ nuk u bind nga arsyetimi i PD dhe e lejoi Tom Doshin të kandidonte. Ditën që zgjedhjet mbaruan ai deklaroi dorëzimin e mandatit të deputetit. Edhe pse ishte një deklaratë që dukej sikur kishte të bënte me zgjedhjet e 25 Prillit në fakt ajo ishte një deklaratë që kishte vlerë ligjore për mandatin e deputetit që Doshi kishte marrë më 2017.

Mandatin e zgjedhjeve të 25 Prillit ai nuk e ka marrë akoma dhe nuk dimë nëse do ta marrë apo nuk do ta pranojë.

Ashtu siç u duk më 26 prill herët në mëngjes kur ai deklaroi dorëheqjen, nënkuptohej se ai po largohej përfundimisht nga parlamenti.

Por tani situata ka ndryshuar..

Një njeri më i rëndësishëm se Tom Doshi në politikë dhe në ndikimin e tij në tranzicionin e 30 viteve në Shqipëri, Sali Berisha është në atë listë me akuza shumë herë më të rënda ku përshihet minimi i demokracisë, shantazhi mbi sistemin e drejtësisë dhe përftimet e paligjshme të tij dhe familjes së tij nga pushteti. Dhe çudia është jo vetëm që nuk deklaron tërheqjen nga mandati i deputetit, por premton dy herë më shumë luftë kundër SHBA pas këtij vendimi.

Partia Demokratike e cila duhet të merrte qëndrim publik ndaj Berishës po hesht dhe po sillet si një fëmijët i frikësuar prej tij, duke i thënë të bëj çfarë të dëshiroj ai.

Në këto kushte, Tom Doshi e ka më të lehtë ta rishikoj vendimin e tij për tërheqje nga mandati i deputetit, duke e interpretuar atë si tërheqje nga ish-mandati i deputetit dhe të shkoj në parlament bashkë me Berishën.

Natyrisht që ky është një zhvillim regresiv dhe një karshillëk i hapur ndaj SHBA, por është një karshillëk i frymëzuar nga Sali Berisha dhe Partia Demokratike, e cila gjithë ditën flet për “regjimin Rama-Doshi” por 24 orë punon për të ardhmen e dyshes Berisha- Doshi.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK