Merr fund armëpushimi, Izraeli nis sulmet ajrore ndaj bazave ushtarake të Hamasit

Izraeli thotë se ka kryer sulme ajrore kundër bazave ushtarake të Hamasit në Gaza, në shenjë hakmarrjeje pas disa balonave zjarr-ndezëse të lëshuara nga militantët e Hamasit. Shpërthimet u dëgjuan në Gaza në orët e para të së mërkurës.

Disa balona zjarr-ndezëse u hodhën nga Gaza në Izrael më herët të martën duke shkaktuar zjarre të shumta, raportojnë autoritet në Izarel.

Shërbimi zjarrfikës i Izraelit tha se balonat ndezëse të nisura më herët nga Gaza kishin shkaktuar të paktën 20 zjarre në fusha nga komunitetet në Izraelin jugor.

Ky ishte shpërthimi i parë më i madh që pas armë pushimit të shpallur me 21 maj, pas 11 ditësh luftimesh midis të dy palëve.

Në një deklaratë, Forcat e Mbrojtjes së Izraelit (IDF) thanë se avionët e saj luftarakë kishin goditur bazat ushtarake të operuar nga Hamas në Khan Younis dhe Gaza City.

Nuk bëhet e ditur nëse sulmet ajrore kanë shkaktuar ndonjë lëndim.

Një zëdhënës i Hamasit tha në një deklaratë në Tëitter se palestinezët do të vazhdojnë të ndjekin "rezistencën e tyre të guximshme dhe të mbrojnë të drejtat dhe vendet e tyre të shenjta" në Jeruzalem.

Ky është sulmi i parë i dhunshëm që kur qeveria e re e koalicionit izraelit erdhi në fuqi të dielën, e kryesuar nga Naftali Bennett dhe duke i dhënë fund drejtimit 12-vjeçar të Benjamin Netanyahu si kryeministër.

 

M.Q./KT/Shqiptarja.com
  • Sondazhi i ditës:

    Raporti i OSBE-ODIHR për zgjedhjet e 25 prillit: si te duket?

Komento


×

Lajmi i fundit

John

Rama mbërrin në Shkup, i shoqëruar nga Vuçiç dhe Zaev! Kryeministri i Maqedonisë së Veriut: Ballkani është shtëpia jonë e përbashkët europiane