Përparim Ademi tentoi vetëvrasjen! Zbardhen mesazhet kërcënuese ndaj djalit të tij nga vëllezërit e motrave të vrara: Do vjellësh gjakun e tyre

Të tjera detaje të forta janë zbuluar ngjarja që ka tronditur Tiranën dhe prej ditësh po mban vëmendjen e mediave dhe shqiptarëve, atë të vrasjes së dy motrave Kristina dhe Zhaneta nga i dashuri atyre Përparim Ademi.

Në dëshminë që ka dhënë para trupës hetuese në dosjen e plotë, e siguruar nga gazetari i Report Tv Arsen Rusta, vetë Përparim Ademi ka rrëfyer se pasi ka kryer vrasjen ai ka tentuar të vrasë veten.

Ai deklaron se ka qenë i tensionua dhe ka qëlluar me breshëri në drejtim të Kristinës dhe të Zhanetës. Më pas është futur në sallon dhe është ulur në divan dhe ka vendosur automatikun mes këmbëve dhe tytën poshtë mjekrës me qëllim që të vriste veten, por ama nuk ka pasur fishekë. Më pas ka dalë nga banesa dhe është dorëzuar në polici.

Mësohet gjithashtu se Përparim Ademi e ka konfirmuar tentativën për vrasje edhe para trupës gjykuese.

Akuzat publike të familjarëve të Zhaneta Metanit dhe Kristina Bardhit, të cilat u vranë nga i dashuri i tyre më 31 dhjetor, se ato janë shfrytëzuar edhe për prostitucion dhe u janë shitur fëmijët janë konfirmuar në dëshmitë që ata kanë dhënë në Policinë e Tiranë.

Janë marrë në pyetje motra e viktimave dhe djali i Zhaneta Metanit, lidhur me akuzat e bëra publike se autori i vrasjes Përparim Ademi u ka trafikuar fëmijët.  Marrja në pyetje është bërë me kërkesë të prokurorisë. Ata qëndruan për gati tre orë në Drejtorinë e Policisë.

Gazetari i Report Tv, Sokol Dema raporton se burime nga policia pohuan se Adriana, motra e dy viktimave, u qëndron edhe një herë deklarimeve të bëra publike se autori Përparim Ademi ka detyruar dy motrat e saj, Zhanetën dhe Kristinën, të lindnin dhe të shisnin fëmijë.

Fillimisht kjo ka ndodhur kur dy vajzat jetonin në Greqi. Sipas burimeve bëhet me dije se kjo gjë ka ndodhur mes viteve '90 dhe '97. Ato janë mbajtur në një hotel po në Selanik, ku dyshoheshin se shfrytëzoheshin për prostitucion.

Sipas motrës së viktimave historinë e ka marrë vesh pak vite më parë.

Djali i mitur i Zhanetës është pyetur në polici edhe një herë në lidhje për dinamikën e ngjarjes, ku ka dhënë detaje konkrete mbi ekzekutimin e të ëmës dhe tezes së tij. Në lidhje me kërcënimet që pretendohen se i janë bërë djalit të Përparim Ademit, Adriana ka pohuar se nuk ka dijeni se familjarët e saj kanë bërë një gjë të tillë.

Sipas saj janë të paktën 10 fëmijë të trafikuar. Sipas familjarëve të viktimës, dyshohet se Përparim Ademi ka pasur dijeni se Zhaneta dhe Kristina u kanë treguar familjarëve episodet e kryera në Greqi.