Mësuesi pedofil u rikthye të jepte mësim, Zyra Arsimore Berat për Report Tv: I ndërpremë kontratën, u punësua se nuk ishim në dijeni


Mësuesi në Berat është punësuar sipas procedurave ligjore. Kështu ka deklaruar në një prononcim për Report Tv juristja e Zyrës Arsimore në Berat, Marilda Frashëri, në lidhje me skandalin që një mësues i dënuar më parë për pedofili dhe ngacmim seksual është rikthyer të japë mësim në një shkollë 9-vjeçare.  

"Çdo procedurë për punësismin e tij është bërë sipas ligjit. Është shpallur vendi vakant sipas procedurës dhe udhëzimit të Ministrisë së Arsimit për mësues zëvendësues. Nuk ka ardhur asnjë aplikant nga portali "Mësues për Shqipërinë". I jemi drejtuar me shkresë Drejtorisë Rajonale të Arsimit me qendër në Korçë për mungesë të aplikantëve dhe nuk ka ardhur asnjë person. Ndërsa Engjëll Bregu ka sjellë dosjen fizike në Drejtorinë Arsimore dhe që prej 2014 personi ka një dëshmi penaliteti "i padënuar" pra rezulton i pastër. Ai ka qenë i punësuar me kontratë në disa shkolla të Beratit dhe ka pasur sjellje korrekte. Atij i  është ndërprerë kontrata urgjentisht", ka thënë juristja.


Lajmi kryesor:

Skandal në Berat/ Mësuesi i dënuar më parë për pedofili dhe ngacmim seksual rikthehet në detyrë! Nxënësit: Kemi frikë! Shkarkohet urgjent! Zyra Arsimore për Report Tv: S'kishim dijeni


K.T./Shqiptarja.com
  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Del foto, kush është shqiptari që humbi jetën pas aksidentit në Hungari