Duke e cilësuar pandeminë si provën më të madhe të dështimit të qeverisë, kreu i Partisë së Lirisë e ka cilësuar shëndetësinë si një ndër arsyet e shpopullimit në vend. Ish kreu i shtetit tha se me ardhjen në pushtet të çiftit Berisha-Meta do të ketë financim me 5% të prodhimit të brendshëm bruto në sistemin shëndetësor. Meta u shpreh gjithashtu se do të ketë një rritje me 50% për stafin mjekësor, duke bërë të mundur ndalimin e emigracionit të ‘bluzave të bardha’. Meta gjithashtu ka premtuar barna falas për pensionistët.
Ish kreu i shtetit ka akuzuar qeverinë se ka falsifikuar shifrat e viktimave gjatë pandemisë, kanë rrënuar ekonominë e shqiptarëve. Megjithatë ai e gjen zgjidhjen e kësaj hallke të madhe tek zgjedhjet e 14 majit.
“Duhet të vendosim zemrën në qendër të vendimeve të marrim. Të mendojmë jo si vendimmarrës por si njerëz që kanë një problem shëndetësor dhe që kërkojnë një zgjidhje nga shteti i tyre. Të gjithë e dimë sesa i rëndësishëm është shëndeti. Lekët janë për shëndetin, edhe një familje i gjen jo më një shtet. Coidvi që kaluam e testoi sistemin tonë shëndetësor por edhe për vendet përreth. Tregoi që ne kemi mjekë të jashtëzakonshëm që bënë maksimumin, u sollën si heronj për muaj të tërë dhe një pjesë e tyre madje humbën edhe jetën. Kjo ndodhi se u vunë interesat politike para zgjidhjeve shkencore. Ndërkohë që pesha e shpenzimeve të familjeve shqiptare u rritën dhe të ardhurat ranë. Shëndetësia ishte dhe është në kolaps të frikshëm për shkak të politikës aventureske, u falsifikuan shifrat e të vdekurve. Ne ishim një ndër vendet me koston më të lartë të humbjes së jetës.”- tha Meta.
Rritja e pagave për mjekët ka qenë gjithashtu një premtim i kryeministrit Rama. Pak ditë më parë teksa inauguroi spitalin e ri infektiv ai tha se rritja e pagës të shkojë në 100% që nga viti 2013, ndërsa premtoi mbrojtjen e qytetarëve e bizneseve të vogla nga rritja e çmimit të energjisë elektrike. Të gjithë këtë, kryeministri e siguroi si synim brenda mandatit të tij.
Kreu i PL-së, Ilir Meta është shprehur se me ardhjen në pushtet do të ketë rritje të menjëhershme me 50% për bluzat e bardha. Ai u shpreh se do të ketë një financim me 5% nga GDP.
“Do të angazhohemi për një rritje 50% të menjëhershme për bluzat e bardha me synimin për ta dyfishuar nivelin e pagave në shëndetësi. Kjo është emergjente pasi do na ikin të gjithë. Ky është kërcënim shumë serioz për të ardhmen e vendit, për shëndetin e qytetarëve tanë. Gjithashtu synojmë financim me 5% të sistemit të shëndetësisë.
Rritja e buxhetit të shëndetësisë në të paktën 5% të GDP, që do të arrinte nivelin mesatar të vëndeve të Ballkanit, është detyrim përpara qytetarëve tanë.
Mundësitë për ta arritur një objektiv të tillë janë aty dhe largimi i kësaj qeverie e bën të realizueshëm këtë objektiv kaq të madh.
Ky financim deri ne 5% te GDP i jep realisht frymëmarrje sistemit shëndetësor, frenon ikjen e mjekëve dhe infermierëve, rrit cilësinë dhe u jep shqiptarëve sistemin shëndetësor, që ata meritojnë dhe për të cilin kontribuojnë aq shumë me taksat, me djersën dhe me mundin e tyre."- tha Meta.
Lajme të tjera
-
‘Spastrime’ në PL, Mehmetaj: Përmirësojmë gabimet e së shkuarës! Krisje mes Metës e Kryemadhit? Të mos kalojmë te thashethemet
15 Prill, 19:22 -
Meta-Kryemadhi si shembuj të degradimit të politikës
15 Prill, 17:38
-
Largon grupin Kryemadhi? Ilir Meta paralajmëron ‘spastrim’ te Partia e Lirisë: Rithemelohemi, s’mund të ketë parti me dy shoferë
15 Prill, 13:58 -
Meta tregon pse mbështet ish-partinë e Gruevskit, i dënuar për korrupsion: Ka bërë gjëra të mrekullueshme, duhet marrë shembull
15 Prill, 13:58 -
VIDEO/ Meta ‘frymëzohet’ nga stërvitjet: Po përgatis paketë speciale për të mbështetur ata që hapin palestra
15 Prill, 10:13 -
Mero Baze: Përse i duhet Ilir Metës simbolika e fitores së partisë së Gruevskit?
14 Prill, 21:24
-
Ilir Metës s’i ndahet shpirti nga prorusët e Gruevskit, shprehet kundër fitores së koalicionit shqiptar
14 Prill, 17:34 -
Jakin Marena: Meta u ‘jep duart’ Kryemadhit e Berishës, mesazh për SPAK?!
13 Prill, 19:44
-
Qëllimi i postimeve duke u stërvitur, Ilir Meta nga Korça: Bëni sport, mos pini mall! Kam marrë sustat me vete
13 Prill, 12:14 -
Nëna e Monika Kryemadhit merret në pyetje nga SPAK, Meta: Politike! S’përbën interes për mua
13 Prill, 12:00 -
Ilir Meta e nis ditën vrullshëm në palestër: Pa djersitje, nuk ka arritje
13 Prill, 09:41 -
Kur t’i trokasë drejtësia në derë, do thotë: Ja, s’jam mirë nga trutë!
12 Prill, 14:19
