Meta me gjimnazistë të PL-së: Nuk po ikin vetëm të rinjtë nga vendi, por po largohen dhe banorët nga zonat rurale drejt Tiranës! Faji i politikave të dështuara

TIRANË- Kryetari i Partisë së Lirisë, Ilir Meta gjatë një takimi me disa gjimnazistë të kësaj force politike shprehet se shpopullimi është një nga problemet më shqetësuese në vend.

Meta thotë se Shqipëria po zbrazet jo vetëm nga të rinjtë e të rejat që po lënë shkollën e ikin jashtë vendit, por edhe largime të banorëve nga zonat rurale drejt Tiranës, dhe për këtë ka akuzuar qeverinë me politikat e së cilës ia konsideron si të dështuara.

“Prekët me të drejtë shpopullimin se e ndjeni në klasat e familjet tuaja. Për fat të keq sot po ndeshemi me një variant modern të spastrimit etnik, që është shpopullimi. Shifrat, dramatike e alarmante. Jemi në kushtet kur këtë vit janë ulur në bankat e shkollës më pas se 220 mijë nxënës krahasuar me 15 vite më parë. 58 mijë më pak nxënës se 5 vite më parë. 18 mijë më pak se një vit më parë.

LEXO EDHE:
Ylli Pata: Skema sekrete e opozitës anti-SPAK, kush do të jetë dyshja e 're' për 2025-n

Shifra kokëforta që i dinë të gjithë, sidomos jashtë Tiranës. Vendi po zbrazet nga të rinjtë e të rejat, jo vetëm minorenë që lënë shkollën e ikin jashtë vendit, por kemi edhe një braktisje të zonave rurale drejt Tiranës. Kjo për arsye të situatës së krijuar nga qeverisja dhe politikat e saj të dështuara.”, u shpreh Meta. 

S.C/Shqiptarja.com

TAG:
• Ilir Meta
• Partia e Lirise