TIRANE- Presidenti i Republikës Ilir Meta priti në një takim ambasadorin e ri të Luksemburgut në Shqipëri, Philippe Donckel, me rastin e paraqitjes së Letrave Kredenciale.
Presidenti Meta vlerësoi marrëdhëniet shumë të mira politike midis dy vendeve dhe e falenderoi ambasadorin Donckel për mbështetjen e Luksemburgut në përpjekjet e Shqipërisë për çeljen e negociatave të anëtarësimit me BE, si dhe për asistencën e ofruar pas tërmetit të 26 nëntorit 2019.
Siç njofton institucioni i presidencës, kreu i Shtetit theksoi se “investimet nga Luksemburgu janë të mirëseardhura në Shqipëri”.
“Integrimi shembullor i komunitetit shqiptar në Luksemburg i bën më të forta marrëdhëniet tona”, - u shpreh Presidenti Meta.