Meta sulmon sërish kreun e SPAK: Dumdumani marjonetë e Ramës, përdoret për të goditur opozitën

Presidenti i Partisë së Lirisë, Ilir Meta ka sulmuar sërish kreun e SPAK, Altin Dumani. Nga Roskoveci, në një deklaratë për mediat, Meta e quajti sërish ‘Dumdumani’, duke e akuzuar kreun e SPAK që është një marjonetë e Edi Ramës.

“Është denoncim i këtij narko regjimi që ka instaluar Rama bashkë me McGoniogal e tij, duke përdorur marioneta të tilla si Dumdumani. Dumdumnai përdoret për të goditur figura të opozitës që të mos shqetësohet Rama për skandalet e panumërta që ai ka bërë dhe bën çdo ditë. Si shpjegohet që ka gjysmën e qeverisë në burg për 17 vendime që janë pranuar në praninë e tij për 2 orë, janë kundërshtuar e zeza mbi të bardhë drejtori i prokurimeve, dhe ai nuk është thirrur asnjëherë, përveç dhjetëra aferave të tjera. Si mund të jetojë ende në liri dhe vazhdon të vjedhë shefi i kompanisë së vërtetë 5D, Erion Veliaj”, tha Meta.

Sipas Metës, edhe ato rezultatet në luftën ndaj korrupsionit janë rezultat i denoncime e të opozitës, por edhe këtu akuzon SPAK se i ka zvarritur dhe ka bërë përzgjedhje selektive për njerëzit që nuk i duhen më Ramës.

“Edhe ato statistika që përmenden si arritje në luftën e korrupsionit, janë si rezultat i denoncime të vazhdueshme të opozitës, SPAK ka meritë që i ka zvarritur, sidomos zgjedhjet që janë bërë para zgjedhjeve i hetonte pas zgjedhjeve pasi i blinte Rama. Kanë bërë zgjedhje selektive të personave që s’i duheshin më Ramës.

Dumdumani ka merak të madh, thotë se nuk e ndërpresim se kemi hall se Shqipëria shkon në arbitrazhe për inceneratorin që nuk eksiton. Pse se ka hall Edi Rama. Ajo vetëm me portin e Durrësit që e ka prish në mënyrë të njëanshme e ka zhyt Shqipërinë në mijëra borxhe, kur paska hall për arbitrazhet pse nuk e arreston Ramën e Veliajn. Ka hallin e pushtetit të Ramës”, u shpreh Meta.

Sulmet e Metës për Dumanin u rikthyen sërish pasi ai u thirr në SPAK për dosjen e hetimit pasuror dhe lobimit të LSI në SHBA.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg