Meta: Dialgou Kosovë-Serbi të vazhdojë! Të tejkalojmë pasojat e Covid-19! Thaçi takohet edhe me Ramën

Dialogu mes Kosovës dhe Serbisë duhet të vazhdojë. Kështu është shprehur Presidenti Ilir Meta gjatë një takimi me homologun e Kosovës, Hashim Thaçi.

Ilir Meta thotë se se bashkëjetesa midis shqiptarëve e serbëve është në interes të paqes, stabilitetit dhe perspektivës europiane të rajonit tonë.

"Është me rëndësi vazhdimi i dialogut Kosovë-Serbi për normalizimin përfundimtar të marrëdhënieve mes këtyre dy shteteve, që do të garantojë jo vetëm njohje reciproke por edhe të ardhmen e tyre në BE", thotë gjithashtu Presidenti Ilir Meta.

Në një postim në Facebook, Kreu i Shtetit shqiptar thotë se me Presidentin Thaçi  kanë shprehur gatishmërinë për vazhdimin e bashkëpunimit mes dy vendeve, me qëllim tejkalimin e pasojave social-ekonomike të pandemisë COVID-19, kthimin në normalitet të jetës së qytetarëve dhe stabilizimin e plotë të lëvizjes së lirë të njerëzve dhe mallrave, veçanërisht me afrimin e sezonit veror turistik.

Kreu i Shtetit të Kosovës u takua edhe kryeministrin Edi Rama, i cili në një postim të shkurtë në Facebook, shkruan: "Me Presidentin e Kosovës, pas një bashkëbisedimi si gjithnjë vëllazëror"

TAG:
• Ilir Meta
• kosove-serbi
• Hashim Thaçi në SHBA