Mihasi njeriu i Martinajt e Gaxha në ngjarjen e Laçit, u qëllua Rudolf Toma

Erigres Mihasi, një personash i botës së krimit i liruar në muajin korrik 2019 nga prokuroria e Gjirokastrës për mungesë provash në ngjarjen e dhunimit dhe grabitjen e prindërve të Elton Çiços, dyshohet nga policia e prokuroria si personi kryesor që ka qëlluar me armë zjarri ndaj kushërinjve Mumajesi në Tiranë. Dyshohet se Mihasi në këtë krim ka bashkëpunuar ngushtë edhe me Santiago Malkon, i cili mbeti i vrarë me 10 plumba në zonën e Porcelanit. “Shqiptarja.com” mëson se dy personat që njihen nga policia e Shtetit si kontigjentë kriminalë dhe pjesë e një grupimi kriminal në kryeqytet, kanë qënë të dyshuarit kryesorë por çuditërisht asnjëri prej tyre nuk është arrestuar, megjithëse kanë qënë në kërkim policor, por që më pas i është anolluar kërkimi si pasojë e përfundimit të afatit.

Goditja me armë e Rivelino dhe Juxhin Mumajesi, si dhe plagosja e mikun të tyre, Ibrahim Durollari, ka ndodhur gati një vit pasi Erigres Mihasi shok i Ervis Martinaj, dyshohet se është përfshirë në një ngjarje tjetër kriminale në Laç, ku ka mbetur i plagosur Rudolf Toma, në vitin 2017, ky i fundit punonjësi bashkisë së Kurbinit. Në këtë ngjarje ka marë pjesë një grup i përbërë nga pesë persona, i paisur me armatim si pistoletë dhe automatik kallashnikov, të cilët kanë sulmuar me armë, shkelma dhe grushta grupin e të rinjve ku ndodhej dhe Rudolf Toma. Si pasojë e të shtënave më armë është plagosur punonjësi i bashkisë së Laçit, Rudol Toma. Prokuroria dhe policia e Laçit kanë ngritur dyshime forta se në këtë ngjarje kriminale janë përfshirë për motive të paqartë dy persona, të cilët kohët e fundit kanë qënë të implikuar në ngjarje krimianale.

Fabian Gaxha, mik i Ervis Martinaj i mbetur i vrarë në masakrën e 4 tetorit 2018 në zonën e ish-bllokut ka qënë pjesë e këtij grupi prej pesë persona që ka sulmuar me armë grupin e të rinjve në qytetin e Laçit. Së bashku me Gaxha, policia e Laçit ka ngritur dyshime të forta se ka qënë dhe Elio Hato dhe Erigres Mihasi, edhe këta të fundit shokë të biznesmenit Ervis Martinaj. Nga hetimet e kryera pavarësisht se kamerat filmike tregojnë të gjithë ngjarjen e plotë, ku shfaqet dinamika e këtij krimi të rëndë të ndodhur në Laç, mësohet se sot e kësaj dite asnjë nga personat si Erigres Mihasi dhe Fabian Gaxha, nuk janë arrestuar. Për rastin e Gaxha, tashmë policia nuk ka çfarë të akuzojë pasi ky person prej 4 tetorit 2018 ka mbetur i vrarë. Ndërkohë i ndodhur në liri Mihasi dyshohet se ka vepruar në bashkëpunim edhe me Santiago Malkon, në ngjarjen e qershorit 2018, ku dyshohet se kanë qëlluar me armë zjari në drejtim të Rivelino dhe Juxhin Mumajesi, si dhe plagosja e mikun të tyre, Ibrahim Durollari.

Report Tv ka siguruar videon e plagosjes së vëllezërve Mumajesi në Tiranë, ku të dyshuar janë ish-efektivi i i policisë i vrarë, Santiago Malko dhe Rigers Mihasi, ose siç njihet me pseudonimin "Boli". Bëhet fjalë për një ngjarje të ndodhur më 28 Qershor të 2018-tës, në të cilën mbetën të plagosur tre persona, vëllezërit Rivelino dhe Juxhin Mumajesi 36 dhe 24 vjeç dhe Ibrahim Durollari, 28 vjeç. Siç shihet në video, nga një makinë ngjyrë e zezë dalin dy persona, dyshimet janë për Malkon dhe Mihasin, pasi i gjejnë në befasi qëllojnë me armë drejt vëllezërve. Këta të fundit fillimisht kanë tentuar që të largohen, më pas i kanë goditur me karrige, por nuk i kanë shpëtuar plumbave të dy agresorëve.


Elton Çiço dhe Erigers Mihasi

E.L./b.ha./Shqiptarja.com
Komento

Komente

  • Santa Quaranta: 08/10/2019 11:48

    Futeni ne burg prokurorin per shperdorim detyre pra!! Çfare prisni??!!

    Përgjigju
  • Amon amon: 08/10/2019 08:26

    saka si ky me gjith shqiperin qekan bo nga 3-4 vrasje e vin gjith diten verdall per shqiperi. Te gjith populli idi vec policija e prokureria nuk I njeh e nuk I sheh amon amon amon zoti I dhoft hasme te tyre foc qeti heq nga rruget se shteti ehhe

    Përgjigju