Milan pa alternativë, Championsi kërkon fitoren kundër Atletico-s! Inter varet nga Shakhtar, në Angli përballen sheikët

Milan ka sonte shansin e fundit për të shpresuar sadopak për kalimin e grupit në Champions League. Për këtë ‘djalli’ i Stefano Piolit duhet të fitojë me patjetër kundër Atletico-s në Madrid, ndërsa duahet t’ia dale pavarësisht shumë mungesa siç është portieri Manjë, mbrojtësi Tomorri apo Ante Rebic. Gjithsesi Milanit nuk i mjaftojnë 3 pikët në rast se Liverpooli nuk bën detyrën në ndeshjen tjetër të grupit kundër Porto-s. Ky kombinim rezultatesh vlen vetëm për t’u futur në vallen e klasifikimit, pasi duhet përmendur fakti se Milan përballet me Atletico Madrid, një kundërshtar që ndeshjen e parë e mposhti 1-2 në Milano.

Jo pak e ndërlikuar do jetë edhe për Interin. Zikaltërit që aktualisht mbajnë vendin e dytë ne grupin D duhet të fitojnë me patjetër në orën 18:45 kundër Shakhtarit në Milano, pasi në të kundërt rrezikojnë jo pak në ndeshjen e fundit kur të udhëtojnë në Madrid kudër Realit. Skuadra që i cënon zikaltërit, me një pikë më pak në renditje, është Sherif Tiraspoli, që sonte luan përball Real Madrid, krysueses së grupit.

Grupi A ndërkohë rezervon superpërballjen mes sheikëve të Manchester City-t dhe Paris SG. Këta të fundit fituan ndeshjen e fundit falë Messi-t, ndërsa sonte City i Pep Guardiolës kërkon t’i kthejë reston. Nga kjo sfidë kërkon të përfitojë Club Brugge që nëse fiton ndaj Leipzig futet në valle për t’u kualkfikuar.

Në grupin C Ajaxi i kualifikuar udhëton në Stamboll për t’u përballur me Besiktas, ndërsa Sportingu pret Dortmundin në një ndeshje për vendin e dytë, pasi të dy skuadrat kanë nga 6 pikë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Varianti i ri Omicron dhe dimri, a duhen ashpërsuar masat anti-Covid?



×

Lajmi i fundit

John

Shoqërohet në polici autori i dyshuar i vrasjes së ish-deputetit Pashko Ujka (EMRI)