“Situata në Ukrainë mbetet e rrezikshme dhe kërcënuese”- u shpreh ministri gjerman, duke shtuar se: “Prioritet mbetej pjesëmarrja sa më e madhe në votimet për zgjedhjet presidenciale të 25 Majit”. Sipas Steinmeir këto zgjedhje do të luajnë një rol vendimtar në daljen e vendit nga kriza.
Gjatë takimit që ministri i jashtëm gjerman zhvilloi me kryeministrin ukrainas, ky i fundit u shpreh se çelësi i zgjidhjes nuk ishte në Kiev, por në Moskë.
Nga ana tjetër kryeministri ukrainas Yatseniuk u shpreh se “Pas referendumeve në rajonet lindore të Ukrainës qëndronte Rusia dhe se çelësi i zgjidhjes së situatës në Ukrainë nuk ishte në Kiev, por në Moskë dhe se sa më shpejt të ndalej Rusia në mbështetjen që u jepte separatistëve dhe terroristëve, aq më shpejt do të përmirësohej situata.”
Tavolina e rrumbullakët e bisedimeve sipas Kievit mund të fillojë ditën e mërkurë, por nuk është bërë të ditur se cilat grupe do të marrin pjesë. Sipas presidentit ukrainas “terroristët” nuk do të marrin pjesë në bisedime, ndërkohë që Moska ka deklaruar se bisedimet nuk mund të zhvillohen pa dialogun mes Kievit dhe separatistëve.
Redaksia Online
(a.h/shqiptarja.com)