Miratohet projekt-rezoluta për Shqipërinë, Balla bisedë telefonike me Santos: Shqipëria i ka plotësuar kushte, raporti kërkoi mbajtjen e konferencës së parë ndërqeveritare

Kryetari i Grupit Parlamentar të Partisë Socialiste, Taulant Balla pas miratimit të Projekt-Rezolutën për Shqipërinë në Komisionin e Jashtëm të Parlamentit Europian zhvilloi një bisedë telefonike me Raporteren për Shqipërinë zonjën Isabel Santos.

Balla ka falenderuar raportuesen Santos për raportin ku i kërkohet Këshillit Europian “mbajtja pa humbur kohë e Konferencës së Parë Ndër-Qeveritare me Shqipërinë”, duke rikonfirmuar vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur që të lidhet me Konferencën.

"Sapo falenderova përmes një telefonate Raporteren për Shqipërinë zonjën Isabel Santos, teksa Komiteti i Politikës së Jashtme i Parlamentit Europian miratoi në parim (vazhdon votimi i amendamenteve - online) Raportin e përgatitur nga eurodeputetja Santos, ku i kërkohet Këshillit Europian “mbajtja pa humbur kohë e Konferencës së Parë Ndër-Qeveritare me Shqipërinë”, duke rikonfirmuar vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur që të lidhet me Konferencën.  Raporti do të miratohet në seancën plenare të javës së fundit të marsit", shkruan Balla.

Lajmi kryesor:

Komisioni i jashtëm i PE miraton amendimet e PPE: Ndjekje penale për shitblerjen e votës (Rezoluta pa ndikim në vendim e BE për mbajtjen e Konferencë Ndërqeveritare)

TAG:
• BE
• shqiperia
• integrimi ne be