Miratohet vendimi/ Ndërtimet pa leje që preken nga rindërtimi do kompensohen 100%

Miratohet vendimi/ Ndërtimet pa leje që preken nga rindërtimi do kompensohen 100%

Këshilli i Ministrave ka vendosur që të gjitha ndërtimet pa leje që do të preken nga procesi i rindërtimit do të kompensohen 100% metrat katror. Në vendimin e miratuar një ditë më parë thuhet se të gjithë qytetarët, të cilëve ju është shembur banesa, do të përfitojnë sipërfaqja ndërtimore në objektet e reja për banim, sa 100% e objektit të tyre pa leje.

“Pika 8, e vendimit nr.8, datë 6.1.2020, të Këshillit të Ministrave, ndryshohet, si më poshtë vijon: “8. Sipërfaqja ndërtimore në objektet e reja për banim, që përfitojnë poseduesit e ndërtimeve pa leje, është 100 për qind e sipërfaqes së objektit pa leje”, thuhet në vendimin e Këshillit të Ministrave.

Në vendimin e mëparshëm qeveria kishte përcaktuar që të kompensonte vetëm 50% të sipërfaqes së ndërtimit pa leje.

“ Sipërfaqja ndërtimore në objektet e reja për banim, që përfitojnë poseduesit e ndërtimeve pa leje, është 50 për qind e sipërfaqes së objektit pa leje ose sipas normave në fuqi sipas legjislacionit për strehimin social, cila të rezultojë sipërfaqe më e madhe”, thuhej në vendimin e mëparshëm të qeverisë.

Rindërtimi vijon në të gjitha bashkitë e prekura nga tërmeti i 26 nëntorit 2019, dhe i gjithë procesi pritet të mbyllet në maj të vitit 2022, siç ka deklaruar më herë ministri i Rindërtimit Arben Ahmetaj për Report TV.

Vendimi i qeverise

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/03/2021 01:06

    Hajde shtet,hajde,si more u kompensoni ndertimet PA LEJE.Prandaj Shqiperia nuk ecen sepse krimi dhe shkelesat e ligjit,jo vetem qe nuk ndershkohen,por marrin dhe nje te bekuar e te ligjeruar nga Keshilli i Ministrave !Shtet ultra i dobet,turp e faqja e zeze !!!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!