Koronavirusi/ Tomini në 'Repolitix': Nga 23 raste të infektuar, 18 persona qëndrojnë në shtëpi dhe janë në gjendje të mirë

Mjekja shqiptare në Monza të Italisë, Adela Sulejmani në një lidhje direkte me emisionin “Repolitix”  tha se në Italia ka një numër të lartë të prekurish, ku vetëm në 24 orët e fundit janë infektuar 2214 persona. Megjithatë ajo tha se pas 10 ditësh mendohet se do të shihen efektet  e para të masave të marra nga qeveria Italiane që do të shënojnë një ulje të numrit të të infektuarve. Ajo bëri thirrje që të rinjtë të rinë në shtëpi dhe të mos e neglizhojnë këtë situatë pasi nuk është një grip i zakonshëm.

Qëndrimi në shtëpi dhe shmangia e kontakteve fizike është mënyra më e mirë për të luftuar virusin tha Sulejmani, ndërsa shtoi se masat duheshin marrë më përpara dhe se të rinjtë duhet të ndërgjegjësoheshin para se të shkaktohej ky numër i lartë viktimash dhe të infektuarish.

‘Vetëm sot kemi 2214 raste me shumë të infektuar krahasuar me dje,  gjëja më e mirë është që shumica rreth 80 % e kalojnë me simptoma të lehta dhe nuk kanë nevojë që të shtrohen në spital. Duke qenë se Italia ka një jetëgjatësi të lartë  dhe ka mosha të vjetra atëherë ka një situatë paska më kritike.  Masat duheshin marrë më përpara dhe jo neglizhuar pasi nuk ishte një grip i thjeshtë që kalon pa probleme. Aftësitë ngjitëse të virusit janë shumë herë më të larta krahasuar me një grip të zakonshëm. Të rinjtë e neglizhuar dhe e cilësuan një grip normal. Duke shmangur vetëkarantinimin ata vazhduan zinxhirin e transmetimit të virusit dhe për këtë arsye kemi këtë shifër të lartë të prekurish. Mendohet pas 10 ditësh do të ketë rënie të rasteve duke qenes se do jepet dhe efekti masave që janë marrë nga Italia. Ne si individë jemi forcë të madhe për ta ndaluar këtë virus, duhet të izolohemi, të rrimë në shtëpi dhe të kemi kujdes higjienën .Vetëm kështu  do largojmë virusin', tha Sulejmani.

Në lidhje me testimin e ilaçeve si kurë ndaj koronavirusit, mjekja Suljemani tha se “është një ilaç baza e të cilës përdoret për të kuruar artriti reumatoid dhe që ka vepruar shumë mirë te disa pacientë, por do e tregojë koha se si do të vazhdojë si kurë’.

Rektor i Universitetit të Mjekësisë Arben Gjata tha në ‘Repolitix’ se Shqipëria ka fatin që të zgjedhje mes shembujt që kanë ndjekur vendet e tjera dhe të dijë se kush funksionoi dhe jo, pasi u prek më vonë nga koronavirusi. Në lidhje me masat ai tha se ato janë të duhurat dhe duhen shtrirë në të gjithë vendin dhe vetëm pas dy javësh mund të shohim nëse do kemi apo jo përmirësim.

“Janë masa të duhura dhe duhen shtrirë në të gjithë Shqipërisë dhe të jenë minimumi dy javore dhe më pas të shohim se si të marri situata. Njerëzit duhet të rrinë sa më gjatë në shtëpi dhe të shmangnin sa më shumë grumbullimet. Pas dy javësh duhet të vlerësohet nëse masat duhet të vazhdojnë kështu, të shtrëngohen apo duhet të fillojnë  të lirohen. Nuk bëjmë dot magjistarin se sido të jetë masa pas dy javësh apo një muaji. Ky virus tregoi shembujt nga më pozitivët dhe më negativët. Fatmirësisht tek ne u shfaq më vonë dhe kemi shembuj për të ndjekur dhe zgjedhur të duhurin. Kina, Korea dhe Japonia  morën masat menjëherë dhe sot ia dolën, Ndërsa kemi Italinë që i vonoi masat dhe me një popullsi të ulët se Kina ka një numër të prekurish dhe viktimash pas saj. Ne tashmë dimë se kë shembull duhet të ndjekim”, tha Gjata.